هنيـالك رحت مرتاح بس الجنطه بمتونك
بدروبـك.. ولا صدفه تگاودني الحچي عيونك
ٱنه شرايحلي وتلفت ؟
مشو حته اليشبهونك
هنيـالك رحت مرتاح بس الجنطه بمتونك
هنيـالك ولا تحتار لو گالولك شـلـونك
ولا طالع توالي الليل تمشي ومادري الحدمن
ومن گدما ضياع اتعيش ..
اتباوع عالمرايه اتگول انه امنين واشبهمن !!
تعال وشوفني عدمن
من رحت ابگفاك اثنين ٱيدي ودمعتي النزلن
رجعني الوطن روحي
وطن روحي..
الدرب عينك
كثرما سولفك للناس هسه اشگد امتانينك
افتح عيني والشباچ
واكتبلك عله الشباچ
يالمشتاگلك ويــنـك
اغانينه التفز بالبال.. وماٱدري واغنيهن
اخاف اسمعهن الوحدي لٱن ذوقك اموديهن
لٱنك دندنت بيهن
وحگ ذني المبچيهن "
صورك موش بالكنتور بجيوبي امخليهن
صورك هم نفس مگفاك
مگـفاهن يبچيني
انته وصورتك ولـ أاخ
بگـتو النوم من عيني
.
حيدر العماري
رد مع اقتباس
المشاركة الأصلية كتبت بواسطة فقار الكرخي
