تعب والبيبان ما ترغبني ريح
ولو رِكض حلمي حَمام بوجهي ينسد كل ضريح
حتى هاي الگاع شالت جدمي منّه
وعلى يا ساعه إتعثر بيه وتطيح
شماله مايسمعني گبري شگد عليه مرات اصيح
بلكي اموت وبلكت اخلافي الهوى إيمر مستريح
إهواي ذني ايامي شيفضهن سلامه
وبيه چم داي انطبع للدوم شامه
ووجهي چادر للفواتح وين احصله ابتسامه
يثگل اسمي اعله اهلي لو خَف ضحكي عنهم
تجفي عني وللغرب تلهث لسنهم
هاي ناس إتريد بس اليضحكلها
وانا عيني دموع ومناطَر، كحلها
وذيچ روحي الذايهه گبالي وتغني ومحد شمالچ يگلها
العوز طرّزهن حزن لحظات عمري
الناس هسه چفوفها تسالم الگمره
وانا حدر الگاع يرجع بيه فقري
مااگول اشبيه بس الشاف يدري
إسمال خطواتي وزهَگ كل ممشه منهن
جدمي يلحگ بالدروب الجزن حيله وماوصلهن
مدري وين إيتيه شوف عيوني لو دكان مرهن
ومدري ليش الگاني يم المو إليه
اهواي اريد وتارسه اجيوبي الشويه .
إيما صباح
تعب والبيبان ما ترغبني ريح 
رد مع اقتباس
المشاركة الأصلية كتبت بواسطة عدنان الحاج عباس السعيدي
