يالبيك روحية كبل متحزمه
معنى الرفاكه الصادكه تمثل بيك.
يالبيك روحية كبل متحزمه
ياخشم سمرة يشم. بنفسج من جان
حته العجاج عذيبي كلهه تشمه
من جانت الوادم كحط عدهه الماي
جان المصوب بيك يغسل دمه
والعنبر يشوفونه بس وكت النوم
وجان اليمر عليك تترس خشمه
وكتك جزه بيام ذني الحلوات
بيام ذيج وجوهنه المبتسمه
من جانت من كلوبنه الله بالخير
من جانت الناس الكرم تفتهمه
من جنه ندفر باب سابع جيران
من جنه عالجار اليجينه نعزمه
من جانت ركاب البشر كلهه ركاب
جنت ويه الركاب بمثابة ذمه
ياستر وكت الجان مامش حيطان
درياهه بس الناس تنكط حشمه
من جان عيب الجار يخطب من جار
من جان سفح المستحه عله القمه
من جانو يذبحون مطفل للضيف
وتقبيل رجل الضيف عدهم واجب
بيام جدي وصايته ام عشر فتوك
الماواحد يكله عله هدمك حاجب
ياجاي عصريات وبكوسر كوخ
وكعدت بخت شايب يمازح شايب
يعكال حجيه اليفوخ اليافوخ
ويامحله جفهه مدكدك وبيك يشد
يالتعترف بالخبزة يالماعليت
خشمك وكلما يعله مايك يركد
ياوكت مابي فاتحه تهبط الراس
بي فاتحة واحد شهم مستشهد
من جانت التتكاتل بلايه فصول
من جانت المشيه حب عمك واكعد
ينته يميلة كصب ياونسة هور
وكعود وغنه وصادفة كلهه تصيد
ياواهس حديثه على حلك التنور
وموشحه وحلوة وخبزهه مورد
ياجاسبي وبمتون شيخ وعريس
ياجوبي ياشوباش وامي تغرد
يا مفردة عريان يا ام عريف
يالمن تثور تجيس حته اليلبد
يانهر خوه الماينحرك جالي
يالما تجدم احوالك على حوالي
ياصاحبي وخوتك لو ازل عليك
كون الله يكتلهم بضهري اطفالي
مره بغيابك ردت ابيعك طبيت
سوك الرفاكه وحظرت دلالي
بيهه بشمس كاومني حته خيالي
كاعد وجو شرايه شرايه ثكال
وصلوني بس اجان وهوس بالي
كالولي سعرة ابيش ماكلت ابيش
شنقصتك كالو صديجك غالي
وانه ادري غالي عليه وعله الشراي
هوه شيبيعه الكلبه كلش خالي
هوه انت لو تنباع جابسط بيك
بس ردت ابين معدنك لأمثالي
عمي انت ماموجود نوعك مقروض
بالكوة لو تنوجد لو حسبالي
حته امي كالت صاحبك جنه فلوس
هسه امنت يوليدي راسك عالي
حسن البركي
رد مع اقتباس
