چنت كلما اشوفك تكبر العين
هسه آنا بغيابك صرت كوري
چنت كلما اشوفك تكبر العين
هسه آنا بغيابك صرت كوري
لبست اسود والگمر من عدها غار
تگله غيب.. يغيب ويگللها صار
تخجل من خدودها يطيح الحَمار
تقربت يمها وچواني خيالها
اي مجآعة شوگ بيه
و فقر ملگه و طف حنين
و تعب مگيود بـ سَبي
گلي يآ حوت اشـ دعيت
والله سد جوعك نبي !!
طيفك شبكَني البارحة وآعتذر مــن جروحي
البارحـه آبرودة نـدى طاحـت بموكَـد روحي
فزّيت أضحك للهوى وتضحك بوجهي جروحي
لـ عبد الكريم القصاب
اصيآح بـ رآسي ضجه و صوت
مره يغني مره ينوح
ارق و افكآر ما تنطآق
خلتني احسد المذبوح
يادافي بوكت صگت ثلچ دنياي …؟
انه حگي من اشوفگ دنيا وحدها .
لـ غني محسن
غيمة بضباب وضعت
وجهك مراية بليل
مابيه حيل اكرهك
رايدني احبك حيل !؟
يـ الـ ذابني آمن السما
يمكَصّص جناحي
أسمع صفنتك عجب !
ما تسمع صياحي ؟
لـ عبد الكريم القصاب
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
ليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني ؟
روح وداعت الله بس أگلّـك ها
الي رب كريم الصبر ينطيني