.
وين ماخذ راحتـي
ورايـح.تعال
ياهو گال أبـراحتك
روح ورحـت
أنـه گوه أتنفس
أبشهـگه هواك
وطشرت ريـتي علـى أسمـك
من صحـت
.
وين ماخذ راحتـي
ورايـح.تعال
ياهو گال أبـراحتك
روح ورحـت
أنـه گوه أتنفس
أبشهـگه هواك
وطشرت ريـتي علـى أسمـك
من صحـت
صرت من الحلم افحط
هذا اخر ندى و بمزهريه انحط
ع كد نيتي و ابقى اكضي الليل
ادور ع الشمس بالشط
عشت خنكه ضفيره شلون افلن
روحي واتمشط !
ضيعتــ روحي ابروحي وماكو انا
ابكل كتـر بايگني صنته
ضيعتني امرايتـي وشافتـني انته
انت يل كلك عذبـــ
سلسبيلك خله يتبده اعله شوفي اوخلني اوچدلي دربــ
القطار اليلبس اعيون المحطه ايطيح من عين الغربــ
اتربعتــ ضحكاتــ شوفكــ بلگلبــ
بلسانج ثـگيله الراء ..
من عدها وعشكت الوغدي والعصفوغ
ولا گايل نقص بيها ، انتي بگلشي تختلفين
حتى الراء لازم مثلج احجيها
تطلع الروح أكو شغلات مرات
بس مرات هي تردلك الروح
أذية الباب من ينفتح للريح
بس شلون لو بالسجن مفتوح
ابنآدم يضرب اللوح بمسامير
لكن من يموت يشابگه اللوح
#عبد_الحسين_الحلفي (رحمه الله)
توه الحلم ماكبر
وخليتني اعله الجرف
طير ويحن للشجر
وامدوهن برجعتي
والدنية غيمة ومطر
تهت تيهة سفينه بروج
ما شفت بوجهم نوح
اثاري الكاع هيج تدور جي ما تدري وين تروح !
هاك وجهي
و شخبط على الماتشتيه عيونك
طحت جن قرآن نازل يم رسول
ما نِكص قدري وتغيّر حالي
وانت مثل النهر تمشي ابلايه طول
غير حتى تطيح كونك عالي
رخيص جن ليل الشتا شكد بي مجال
ويمي منك ظل يغار الغالي
هاي هي وداعتچ لا تستحين
سحگي فوگ الروح العبي
و صاحبي و حقچ يا حلوة تصاحبين
هو صوچي
لا سكنت وي الاجوني
و لا تبعت الراحلين
و لانه عابد و ارتجي الجنة من اموت
و لا آنه من الكافرين
آنه قصتي وياچ قصة
انكتبت بورقة قديمة و خط حزين
و لو أكو تأمين ع الحب
چان اطالبهم يردولي و لو ربع السنين
و ليش اوجن و اشتكيلچ
و آنه اعرفنچ تطفين الحريق ببانزين !؟
#كاظم_الگاطع (رحمه الله)
