مذنب أظل بهواك كون انته قاضي..
تحكمني بالإعدام صدگني راضي
مذنب أظل بهواك كون انته قاضي..
تحكمني بالإعدام صدگني راضي
حلات الجرح من يزهك إعلى السچين
تتگسر أبدمه وينگطع كُل شد
حلات أدموع تالي الليل
من يذكر حبيبه ومايشوف أحد
حلاتك يانهر ، عمرك سفر تمشيه
لا ترتاح لا تگعد لا تمتد
كاظم إسماعيل
ضحكتك عرس للغبشه
وچفوفك حرير اسمر
ورسومك ولا تخفت شراع اشگر
ويهنياله
اليجيس الحزن بعيونك ولا يعثر
ابسطحهم...
تنزل الغُبشه حديقه
اوتزهر النسمات لو جاست ملحهم.
وبسطحنه..
جفي ع الشباچ غيمه
شاورتهم مطر بيه
اوخجلهم...
مر على اعيوني وفضحهم
شاكر السماوي
ليش ما خذتو الصور بهدومكم..؟
چا مشيت وچا شفت من دونكم..!!
ليش ضيعتو المحنه..؟
عود ردناكم لهلنه..!!
شنهو بينه وطيحتنه عيونكم...!!
فواز رشم
الغربه من ترجع الناسك
وتحس جن ما عارفينك
الوحشه من تذكر سوالف
جان اهلهه اكبال عينك
الخنكه من تشتاااااااك تبجي
والشماته محاوطينك
حسين العسكري
المشاركة الأصلية كتبت بواسطة فقار الكرخي
يومين ها يوم أنكضه
وها يوم حس النايحه
وروحي أعله طارف داركم
غيمه أعله ساعه ورايحه
بعد مالي أويّه هاي الناس
عشره أبطيبها أنطالب
ولا خوه وچذب من گال ينفع
بالمَحن صاحب
تلملمنه
اشتلملمنه ؟
مثل حنطه اعلجف فلاح
لابد يوم نتطشر
لـ علاء كريم العاكوبي
