جازيتني بديرة وجه لا كَايل ولا حاجي
مسكيـن، باجر تختنك وتصيح يا شباجي
لـ عبد الكريم القصاب
جازيتني بديرة وجه لا كَايل ولا حاجي
مسكيـن، باجر تختنك وتصيح يا شباجي
لـ عبد الكريم القصاب
وين ماشي وكلك مچلچل عليه ..!
مدري ماشي، مدري راجع
هيّـجت كل المواجع !
لـ مظفر_النواب
جان همك تستغلني
وغصن المكابر بروحي اترشة ذل
وصرت باعيادك مغني
وصرت باعراسك طبل
وكأس واحد مرة من صحتك شربتة
سنين خلاني ثمل
شتسوالك دمعتك طايحه بخدك
ولـ هسه ومالگيت ابنادم يفگدك
مثل
التفگه دومك تنطي لزمه اعليك
تهـد السانك مـن ابنادم ينشدك
شـــما يحـــله الــ وڪت
يڪسرني طــاري جفـــاك
صفنـة عاشــگه ويڪسرهــه
حـــس بــــتوت
مــو ميـل الــدمـع
واحســبلك شگـــد مار
تجــي وبـﻻ وڪت
وبالي اگــلك فــوت
دليــني اعله رمــلك
ويــنه قصــر الشــوگ
وادليــک الدمــوع
اشــ حافـــره مــن بيـــوت
تانيتڪ خرايب وهگ بيها الخوف وانت ولا ضعن منڪ
ناصر البدري
شحلات الزلمه من یحچي ویه ولفه یگول
چا هوه الگلب چومة لحم لولاك
و چا هیه الگصص هیمه لو ما بیهن حواجب
انه القاهرني بعض الناس
عدهه المرجله شوارب
علي المنصوري
يمك گلتها وچان بالك يمها
بعدك أنفاسي أتصير مره أفهمها
النسمه التجي وما جايبه وياها امراد
منك تطب الريّتي اتسممها
شوف انت واحكم مختنگ لومجنون
ظليت أهفي اعلى الصور واشتمها
ولك علمني اغانيك
حتى لو جانت اغانيك عذاب
وانه اكيف ع جرح من جف الاحباب
ولا يبقى العشگ بسكوت
ولا شباج الا ولا باب
عطاب الهوه البسكوت عطاب
كاظم الركابي
امنين ما ابحر تطك بروحي وحشة
وتنلچم كل الجروح
من اشوف الزعل بعيونك احير لوين اروح
الليل ظلمة
الدنيا زحمة
البيت بارد مثل حيطان الكبر