كون بلا حجي نتكابل اني وياك
بعيوني السوالف كلهن اشرحهن
واسولفلك عليك شكد اسولف بيك
كبل لا جنت اعرفك بيه اسولفهن
سواليفك حفظ ماتنكتب باقلام
على خطوط الجفن برموشي كاتبهن
كبل يومين اعرفك مو كبل سنتين
وكبل سنتين جن عيونك اعرفهن
سامع بالسوالف تنحجه وتنكال
بس بيك السوالف سكتة سامعهن
بعدني امطر وفه لو غيمت شوك
وبعد بعيوني الكم شايل رسوم
شكثر كالولي انسه وجاوبت لا
انسه شلون وانتم جرح ملجوم
الغيم من الرعيد يخاف لو صاح
لان صوت الرعيد يبجي الغيوم
وآنه عيوني غيوم محمله جروح
وبس يمر ذكركم تمطر دموم
عفتوني بدربكم شجر مزروع
وجنهه طيور فوكي تحط الهموم
من كد ما عليكم فاضن دموع
على عيوني النوارس ضلت تحوم
يامعود دخيل إمروتك السمره
دخيل إلشوگ
أحب چفك
أحب أيديك
وشوف إشفاف لو جمره
وانت تدري جدام المتيه عمر
معتازه حيل
اوين مايفرش ينام الگلبه خالي
ولايمر بعيونه ليل
وتالي ما تالي شصفينه ؟
سالفه بحلك الشماته
ثاري مو بس اني حبني
هم اكو غيري بحياته
وثاري كل ساعه حبيب
وماخذ الناس بحلاته
فاضل عبد الساده
التعديل الأخير تم بواسطة فقار الكرخي ; 20/January/2019 الساعة 5:14 pm السبب: ارتاحي
شگد شَربنه وجوههم
بس ما روينه
الصورة صورة..
شما بچينه
مسافرين والمحطات الخذتهم بيها متنه
وعلمونه اعله الحنين
كله منهم ..عودونه وتالي گالو رايحين
رايحين ..والاماكن تشتهيهم
رايحين ..قشمرونه وصدگينه بكل حچيهم
كله منهم
مسافرين.. وشدو الروح بجنطهم
لاتحلم الدنيه ازغر من عيونك
الدنيه وجوه واشكال وضحك
چذاب بس انته بطرگ لونك
بس انته تفيض من البچي اعله الناس
كافي تفيض مايك بلل ضنونك
وديلي كلشي الچان من ريحتچ
مشتـاگلچ مرسه وشـراع وبحر .!
-الشهيد علي رشم
أثاري الاه تبدي منين ما تلگه وطن يحلم
عزيز عسگر
