وكحة او شايله شراعين
حد السيف
دمع شريان كلبك سال
شد الدمعة للدمعة
وتخيل فوك بحر الموت
وانت التسحك بضلعة
اعزمك والظلام ايخاف منك يا ضوة الشمعة
الحديد الخوف الدنيا
لكاك النار
والنيران تصهر كل حديد اويختلف طبعة
واعرفك تكرة المايل
ومسى الما ثبت مكروه
يسلم جف اليشعلة
يالملاوي الجزر والمد
أخذ سباح كلبي شطوط
واسكي العطشو الزرعة
السنابل وصل حدها وزاد
والمنجل اذا مو بالحصاد ايفيد كلبي ابيا وكت نفعة
طبع بيه احاجي الروح
وانت الروح كلما ينحجي اتسمعه
اكول انا وصل غيبااك
هنياله ليحس الفيض بيه ايفيض
ويمد العمر سباح ويحزم السنيين سلاح
وي ربعة
وهنياله التناخه ورادك تفزعه
يطوفان وستر للكاع
اذا مريت تتراجف الحيه وثوبها تنزعه
تلاكينا ويشمس العافية ملكه
وحميناها برفيف الدم
واذا جف الزمان يدور ما درنا
صعدنا عاشك وعشكه
بحد السيف يمنشف لهاة الموت
شد جرحي عشك للما ضحك جرحه
وشب كمره ابسما التعبان
للماشاف دربه وما طلع صبحه
صيح بصوت
اصحي المارضه يصحه
يحد السيف وكحة او شايله شراعين
واحنه نواكح الوكحة
انا الخليت دمع العين الك مده
اريدك تبحر بروحي
مثل نوح الجمع من كل غصن ورده
وأنا ادري الدنيا يا معدل
حبل دخان محد يكدر ايشده
مر بينا الحزن يركض ركاض الصوت
شايل بين جفينه الف شده
وتعلينه ولحكنه الما يلحكونه
وعدينا النجوم هواي والروح العزيزه تفر
بس انت العزيز واول العده
بحد السيف يلما وصلو لحده
خنجر خصاف الشامي
رد مع اقتباس
