هاني خما تضوج من واحد يسئلك .؟المشاركة الأصلية كتبت بواسطة فقار الكرخي
ما اضوج ( اعتقد اذا اكتب لا ما اضوج معناها اضوج بس اذا ما اضوج يعني صدك ما اضوج)
هذني كم سؤال
س .
1 . اريدك ترتبلي التالي حسب الاقرب الى قلبك
الأم
الأمام علي عليه السلام
الأبن
الأب
الكرامة
النائبة جنات؟
الام
الاب
الامام علي
الكرامة
جنات
الابن
2 . اهل البصرة 24 ساعه مشاكل
وطلايب عشائرية طاك ما طاك .
وطالعين مضاهرات عالحكومة
مو الأولى بيكم تبدون بنفسكم قبل
متطلعون عالحكومة
والله يكول
لن يغير الله بقوم شيئ حتى يغيرو ما بأنفسهم؟
إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ
احسنت هو بالفعل الانسان اولا يبدأ بنفسة واحنا بدينا لان الحكومة هي نفسنا منا وبينا
قابل طالعين على الاكراد لو ترامب
وللعلم ( لمن لا يعرف طبيعة جغرافيا البصرة ولا تقسيمة السكاني )
البصرة بيه 7 اقضية وبعض الاقضية عبارة عن محافظة بحالة فالمشكال الي طاشة عن البصرة بقضاء واحد او اثنين بعض الاحيان مو اكثر
بس كالعادة الشر يطش
• قضاء البصرة • قضاء القرنة • قضاء الزبير • قضاء المدينة • قضاء الفاو • قضاء أبو الخصيب • قضاء شط العرب • ناحية الهارثة • ناحية الشافي • ناحية الشرش • ناحية الفيحاء • ناحية خور الزبير • ناحية سفوان • ناحية أم قصر • ناحية الشهيد عز الدين سليم • ناحية الدير • ناحية السيبة • ناحية البحار • ناحية الإمام القائم • ناحية الامام الصادق • ناحية النشوة • ناحية البرجسية • الكباسي •
3 . زلم كبل جانو بيوم عرسة من يدخلو للبيت هو والعروسة
يجيبولة بزونة ويذبحها كدام العروس . حسب تقاليدهم عود حتى العروس تكوم تهابة .
انت ذبحت شي لو مدبرها؟
اصلا ما سويت عرس تقليدي
عزمت بس خوالي وعمامي ما عزمت اي غريب
وسويت العرس بشيراتون وسافرت لتركيا
مع هذا ما عندي قدرة اذبح (او هيج اعتقد ما مجرب)
4 . كل انسان متعلم . لازم الناس تستفاد من علمه
وحرام تكتمه . هاي شرعا .
انت بأعتبار راسك مليان علم . بتخصص النفط . كدرت تفيد الناس من علمك لو لا يعني انت تعلمت بس علمود الراتب . وما شفتك فديوم منزل موضوع انت كاتبة عن تخصصك؟
هاي اكو واحد مره انتقد العقاد من الصعايده ويريد يقتله كالوله يمعود هو انت قريت شي اله كال لا بس يكولون هو مو خوش
جا انت غير تقرا مواضيعي الي رافعها بالقسم الهندسي انوب تحكم عدل
ثانيا تخصص النفط هذا مو تخصص
انا اشتغل بشركة النفط
اما تخصصي الميكانيك ( وارفع مواضيع عنه بالقسم الهندسي)
اكو تخصص كهرباء
تخصص انتاج
تخصص المدنية
فحص هندسي
الالات
سلامة
و وو ووو و
بس هذا لا ينفي ان تعلمت علمود الراتب
لو جان الراتب يطلب اتعلم شعر شعبي مثلا جا تعلمته
5 . قبل شوية سألوك على اعضاء هنا بالموضوع
سويتهم هم وبس ماكو مثلهم .
متشوف نفسك تحب تجامل؟
سامع بهيج شي
مداراة الناس نصف الإيمان والرفق بهم نصف العيش
التودد الى الناس نصف العقل
جنت اتمنى تقتبس بعض الردود المجامل بيه ههههههههه
6 . وما خلقنا الجن والأنس الا ليعبدون
شنو العبادات التمارسها انت
زين اذا انت دوام
ومشاغل البيت والاطفال
واني هنا اشوفك 24 ساعة
شوكت تمارس العبادات
خل اصلي اول انوب تعبد هههههههه
ماعندي اطفال يمعود هسه تزوجت
7 . اعتبرني مسيحي . واريد منك كلام يقنعني بدخول الأسلام .
ناهيك عن اني اعرف اكو شغلات مو حلوة عند المسلمين
مثلا
الطائفية
طلايب العشاير
القتل
الرجم
التهجير
لاتوجد حريات وخاصتا للمرأة؟
هههههههههههه جا ما عرفتني عدل يمعود انت لو جنت مسلم وتريد تصير ملحد وتكلي هاني كلمة منك تثبني على اسلامي
اكلك لو الطبيعة خالقتنا ليش يكولون الله يطيح حظك مو الطبيعة اطيح حظك مو اكثر
انوب تريد اقنع مسيحي
يمعود اذا مسيحية هم ما اقنعها ( علما انها جميله ( فرض المحال ليس بمحال ))
8 . تعرف تسوق حصان
لا للاسف
9 . تعرف تذبح دجاجة وتهلسها
لو ايدك تتوسخ يصير بيها ريش
ماعرف اذبح
اوف ياه ( حسب قولها ) تتوسخ ايدي
10 . الله سبحانه وتعالى خلقك
ووفقك بدراستك
وسهلك تعيينك
ومنطيك صحة وحافظك وحافظ اهلك
وهواي امور منطيك .
عندك الشجاعة تتبرع الوجه الله
براتبك وتوزعة عالفقرة لو متسويها
طبعا متأكد راح تصير براسنه تلاف؟
تحجي صدك الله هاديني هل الهدايا واروح انطيه لغيره شنو ماعندي احترام لله ما اقدر هديته مو ثوبي هذا
والله انا اشوف بس البطران يتبرع براتبه للفقراء ويظل حلك
وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورً
هاني تعبناك حبي
واذا الله سهل ارجعلك
حبيبي ( شفت رجعت اجاملك مثل ما جاملتني ) اسئلتك تسوي واهس
على راحتك بس احتاج افتح لابتوب حتى ارد
شكرا
