هنا

[Hani Yaqoub]

شنو الصفات السلبيه بهاني
شخص اخطأت بحقه وكتلك وجهڵـهٍ رساله اعتذار م̷ـــِْن هنا شراح تكوله
انَـَـَتَ م̷ـــِْن النوع اليخطأ ويتعلم م̷ـــِْن اخطائه لْـۆ يطنش ويكمل طريقه
ابنائك المستقبليين شنو اسمائهم

مع احترامي للاعضاء الي يجاوبون على هيج سؤال
انا اشوف من الغباء ان تجاوب على هيج سؤال
الا اذا كانت الاجابة
طيبة قلبي ، جمالي والناس تحسدني ، خطبوني هواي بس مجاي اقتنع

اخطأت بحقه وتردين اعتذر شكالولج بنيه
اي شخص اخطأت بحقه مراح تحصل اي اعتذار لا رسمي ولا غير رسمي

شوفي المؤمن لا يلدغ من الجحر مرتين كله من ٣ مرات وصاعد
انا هيج

ما اكدر اقترح اسم خاف الله يدگه بيه وينطيني جنس مغاير

[ملكةه]

تنبيه

احنه من نضيف عضو تكون الاسئله حصريا عليه حتئ نتعرف عليه
لهذا اتمنـئ ان تبتعدون عن السوال عن افراد اسرته لان ميصير وهاي خصوصيه

هسه تكولون هو يجاوب ...حتـئ وان جاوبكم ..تبقـئ هاي خصوصيه ..

والاسئله تكون نتعرف ع عضو وع افكاره وع شخصيته مو ع اهله

ماشي ياحلوين

[ملكةه]

مره واحد كالي
تعرفين هاني كلتله اي صديقي شبي
كال ليش البنات كلهن يتغزلن بي برسايل الزوار
جاوبته لان جنه مهند االتركي
عود ليش يتغزلن بيك

[فقار الكرخي]

هاني خما تضوج من واحد يسئلك .

هذني كم سؤال


س .


1 . اريدك ترتبلي التالي حسب الاقرب الى قلبك

الأم
الأمام علي عليه السلام
الأبن
الأب
الكرامة
النائبة جنات

2 . اهل البصرة 24 ساعه مشاكل
وطلايب عشائرية طاك ما طاك .
وطالعين مضاهرات عالحكومة
مو الأولى بيكم تبدون بنفسكم قبل
متطلعون عالحكومة
والله يكول
لن يغير الله بقوم شيئ حتى يغيرو ما بأنفسهم


3 . زلم كبل جانو بيوم عرسة من يدخلو للبيت هو والعروسة
يجيبولة بزونة ويذبحها كدام العروس . حسب تقاليدهم عود حتى العروس تكوم تهابة .
انت ذبحت شي لو مدبرها


4 . كل انسان متعلم . لازم الناس تستفاد من علمه
وحرام تكتمه . هاي شرعا .
انت بأعتبار راسك مليان علم . بتخصص النفط . كدرت تفيد الناس من علمك لو لا يعني انت تعلمت بس علمود الراتب . وما شفتك فديوم منزل موضوع انت كاتبة عن تخصصك


5 . قبل شوية سألوك على اعضاء هنا بالموضوع
سويتهم هم وبس ماكو مثلهم .
متشوف نفسك تحب تجامل


6 . وما خلقنا الجن والأنس الا ليعبدون
شنو العبادات التمارسها انت
زين اذا انت دوام
ومشاغل البيت والاطفال
واني هنا اشوفك 24 ساعة
شوكت تمارس العبادات


7 . اعتبرني مسيحي . واريد منك كلام يقنعني بدخول الأسلام .
ناهيك عن اني اعرف اكو شغلات مو حلوة عند المسلمين
مثلا

الطائفية
طلايب العشاير
القتل
الرجم
التهجير
لاتوجد حريات وخاصتا للمرأة


8 . تعرف تسوق حصان


9 . تعرف تذبح دجاجة وتهلسها
لو ايدك تتوسخ يصير بيها ريش


10 . الله سبحانه وتعالى خلقك
ووفقك بدراستك
وسهلك تعيينك
ومنطيك صحة وحافظك وحافظ اهلك
وهواي امور منطيك .

عندك الشجاعة تتبرع الوجه الله
براتبك وتوزعة عالفقرة لو متسويها

طبعا متأكد راح تصير براسنه تلاف





هاني تعبناك حبي
واذا الله سهل ارجعلك

[Hani Yaqoub]

يا هلا باللطيف هاني .

طبعا للأسف اليوم تأخرت بدخول المنتدى

اهلا فقار يمعود همزين اجيت جكد ما وصلت الي تحذيرات من اسئلتك بقيت على ثلج ( بحكم احنا بالشته)


ونبدي بالأسئلة
طبعا ما ادري اذا راح تكون اسئلتي مكررة او لا
لأن ما تابعت الردود؟

جيد هاي فرصة الي ان اكتب السؤال مكرر على الاسئلة المحرجة



واتمنى ان يتسع كلبك؟
س .
قلب يسع الله من المؤكد ان يسع عبيده ( على فرض الاسلام وثبوت الحجة )



1 . هواي اشوفك تضحك وتحشش
متشوف نفسك رايح زايد بهاي الشغلة؟

واحد ما مطلوب دم ولاطلابة عشائرية ولا محتار بعيشتة وفوك هاي كله الله ناطي خلقة ما تتعيب ( من التواضع ان اصيغها هكذا )
من حقه يضحك
اما التحشيش البعض يتصوره تحشيش الاشخاص الي عدهم حسجة يعرفونه فلسفة


2 . بما ان انت موظف
شكد راتبك؟

الراتب الاجمالي تقريبا ازيد من مليون ونص بحكم دراستي هسه فما يزيد
واذا جنت ما تدري عن الارباح هم اسولف عنه

3 . انت على شنو جنت مشرف؟

على قلوب الدرريات والقسم الهندسي
(قلوب الدرريات لان جنت مراقب وليس مشرف)

4 . من خلال ملاحضتي الك بالمنتدى
اشوف اكثر اصدقائك من البنات .
شنو السبب . يعني انت نسوانجي
لو شنو؟

من خلال ملاحظتي ان كلمة ملاحظة تكتب هيج ( اشعر وكاني راهب )
اذا فرضنا احنا بغابه وكلنا اسود ( الانسان ايضا حيوان لليستنكف المقارنة ) واسدات
وجان اكو بيه كم اسد
تعتقد الاسود يلتهون يسولفون ويه الاسدات (اللبوات ) لو الاسود
اكيد ويه الاسدات
خلص انطيك اجابة علمية افضل
تعرف ان النساء عددهن اكثر على فرض 4 اضعاف
فانا اذا اعرف 10 ولد من حقي بالمقابل 40 بنت
فراح اذكر الك قائمة بالولد الي حاجي وياهم
ضياء
عبدالله
زيتو
محمد البصري
مشتاق
راهب
خلص اعتذر من حقي فقط 24 بنيه
وانا متاكد ان العدد ما يوصل هيج
خلص راح اغير الاجابة الى اجابة تكاد تكون مال قيمة
البنات عاطفيات بالنتيجة اي تاثير ايجابي عليهن يكتبنه بالمنتدى اما الولد لو اصبغ بيه ليل نهار واحجي ويا واطلع ما يجيب طاري
مثلا استاذ ضياء فرينا الزبير انا ويا ولا حجه بالموضوع
بينا لو مفتر ويه اي بنت جا لحد هسه تنشر بمدونتة اشعر برائحة بين ثنايا انفي

5 . علاقتك بالله شلونها؟

مثل علاقة شخص مراهق ويه امه
اخذ مصرفي منه ومدبر عيشتي وبالمقابل ما اشكره مثل ما يستاهل

6 . اخر ذنب جبير اقترفتة شنو؟

شخص طفل فقير يبيع وما اشتريت منه هذا قهرني
لان يبيع مو يجدي لو يجدي ما اهتم


7 . كل بشر عندة سلبيات
تكدر تكلي شنو السلبيات التشوفها بالنائب محمد في اي بي
لو متكدر .
بس ديربالك ترة هو عصبي؟

للاسف ماعندي اطلاع على سلبياته علاقتي بيه ما وصلت مرحلة من التشخيص


8 . من طبو داعش للعراق
انت شنو جان دورك بالفتوى
لو مكظيها بلي ستيشن؟

بحكم انا من البصرة فالوضع بالبصرة مختلف عن بقية العراق
اغلبنا دخلنا معسكرات تدريب استعداداً للداعش
صح ما جانت عندي رغبه اروح وبافعل ما رحت

9 . انت متزوج وعندك وضيفة
بعد شتريد من الله . لو هم عندك بعد امنيات وعين البشر ميترسها اله كومة تراب؟

اي والله صدقت بس الفرق انا شوي تراب يملي عيني ويخليني اعاطس

10 . اكو حجاية دائما اسمعها .
اليتزوج تطلع عينة بالزايد
وينهرش عالنسوان ويصير عوينجي اكشر .
بأعتبارك متزوج متحجيلنة وين الصدك؟

هاي العبارة حقيقية
خلتني انتبه لتفاصيل النساء اكثر
بس ما نهرشت بس سويتلي نظارات تخليني اركز عدل

هاي خوش اسئلة جانت تسوي واهس
شكرا فقار
للعلم فتحت لابتوب حتى ارد عليك

[Hani Yaqoub]

أهلاً هاني. نورت الكرسي
مُتابعة

مراحب ساره
شكرا الج

[KASSAR]

والله خطيه هلسو هلس

[Hani Yaqoub]

وهم مافهمت قصدي هههههههههه
قصدي جان يعني انَـَـَتَ رغباتك بالحياه كلها حققتها يعني الشغلات الردتها كلها سويتها
يعني هسه اني جان امنيتي اسافر للبلد الي اني بي هسه واعيش حياتي طريقتي البس اليعجبني اسوي اليعجبني وكذا امور

لا مو كله
مو الله اذا واحد حقق كلشي ياخذ روحه
نعم هذا ما يحصل
اكلج جاي تسأليني لو تسولفين عن روحج ههههههههه
امزح ههههه

كم مَـرّھٌ مطرود ونايم بره الغرفه
ماجان عباي اسئلك ه̷̷َـَْـُذآ السؤال بس انت. جبتها لروحك

ولا مره بلكي على الايام الجايه هي المشاكل هواي

[Hani Yaqoub]

مره واحد كالي
تعرفين هاني كلتله اي صديقي شبي
كال ليش البنات كلهن يتغزلن بي برسايل الزوار
جاوبته لان جنه مهند االتركي
عود ليش يتغزلن بيك

لان اعرف هذا مجرد حجي للمزح
هسه فعليا بالخاص يحجنه لا
انا اكلج لا ( بس الميانتي قوية ياها)
لو تبتلي بالمزح تكله احبك راسا يروح يكول لامه راح اخطبها وكل يوم يلطم يمه اااه كسرتي قلبي واهللتي مدامعي
ااه من قلة الزاد وبعد السفر
ارى الطريق موحشة
والكهرباء مطفية
ساشكو خيانتك لدى سامر بعد الله

[رحيـــل]

خررررب وربي موتتني ضحك ياهاني ، فدوة كافي تسألوه