لحظه استاذه اذا امكن سؤال .. ؟
اتفضل اسأل .....
التعاريف على ايدج .. تشفي جرحي ؟؟
وضح اكثر !
ليش من ادرس و اجاوب ..
كلشي بيه ايصيح ارسب ..
وابقى اعيد دروس وجهج ....
مرة انطيتي سؤال ايگول عدد ..
وانتي اول .. وانتي آخر ..
وانتي وحدج ....
وانتي واحد وابد مايقبل القسمه !
وياقسمتي .....
الجابت اعيوني اعله دربچ....
اشكثر ترفه الخاطر الله !
وارق حتى امن الفراشة ؟
واحلى حتى امن الورد ؟
ومن اشوفج كلشي بيه ايريد يقره ..
اقره خصرچ ؟
اقره نحرچ ؟
اقره ذيچ الشامه مرسومه اعله زندچ ؟
اقره حتى الوان خدچ......
وانه ليليه انام وادعي الله
يخلي ليلي ابلون كحلچ
انتي وحدچ
علي الشمري
2019/1/3
10:30 م
ملاحظه : فكرة القصيدة للعزيز ((فم اللبلاب))
ملاحظه : فكرة القصيدة للعزيز ((فم اللبلاب))
رد مع اقتباس
المشاركة الأصلية كتبت بواسطة سام ..
