هنا

[فقار الكرخي]

لملمتلك كل حنين الله واجيتك
والفرح مرسوم بعيوني قصيدة
انكتبت بدمع المناطر
وبلهفتي التشبه ملاگة عصافير الظهر
جبت المودة
وشوگنا
وكل الأغاني
وشعلتلك روحي يمدلل
گلت تضوي بمحبتك
مثل مايضوي الشمع بعراس اهلنا عله الصواني
عود اجيتك
واعتنيتك
مامش انته
مالگيتك
بس هواك براسي يلعب
ماندليتك
لچن بيه بخت خدك ندهني
لمعته من بعيد تضوي
چنها كهرب
نشدته شنهي
گلي ياهو انته شتريد وشنهي نيتك
گتله انه الما نسيتك
هذا انه الگضه عمرة اخرس ياخايب
وانته چلمة وما حچيتك
وبرغم بعدك عليه
وصدك
وعمري الجزاني
وضاع لأجلك
وبرغم كلشي شفت منّك ومنك
كل عذابي
وحزني
وايام القهر لمواتبتني
مانسيتك
يلعفتني
ولك مابعت طرواك
يالماداهرت حزن الشراني وبدلتني
شگثر خايب آلمتني
وشگثر ياحبيّب گليبي احرمتني
ومرمرتني
ومانسيتك
مانسيتك
باقي احبك







حسين شاكر الريس

[عدنان الحاج عباس السعيدي]

رائع ماتقدموه من ابداع جميل
ننتظر المزيد منكم
لكم مودتي

[ღ عِشق ღ]

حلو
.
تُشكر فقار

.