عبـاس كل ما أكتب اتـبسمل بيك
يـا بسملة وحيدر علي يبسملها
من عين اسمك طب سهم لـ التاريخ
والف عامود الخيم شايلها
من امشي ما دنگ براسي العباس
بـ السمه عيوني الگاع ما دنگلها
وامشي وراي خواني كُلهم يحچون
ولو عشرة تگضي بيـر مازعلها
اطلع وراويهم الشـاعر يـالون
حچاياتي عـ العباس حيل اندلها
عباس علمني الوفة شلون يطيح
مثل الچفوف الـ عـنهر شاتلها
كاتب قصايد عـ الگمر ما تنشاف
بس اليحب الليل يشتاگلها
انا احچي عـ الجربة وحچي الناس سهام
تتبده من عبـاس ما گايلها
اعرگ اذ اكتب الزينب بـيتين
ومن اذكُر الدُخان ما كملها
لا يحچي بية الماعرف معنى البيت
ابياتي مثل أُمـي وعلي مدللها
ألف وتسعمية قصيدة عـله حسين
انا اكتب عله جروحة ما چملها
ويصعد حچيهم وانا اگولن دُخان
اي همهٓ ربعي واعرف الشاعلها
بس حچي الوادم شگگ هدوم حسين
مو كافي طف الوحدي اتحملهـا
من اكتب العباس اراوي العباس
وگاعد حبيب بكربله يسجلها
وما نكتب بنياتنه شراح نگول
الـ مو حلوة عـ الطف هو لي بدلها
والله بصريفه وكاتب انا على حسين
وموگد وكاتب لعليلة شگلها
سافروا بس من سافروا طاح الماي
وگبل الضعن بنتك تبدت كلها
وشعلت بخور وشمعة وتاني حسين
الشال البنات وهيه ما شايلهـا
محترگ بية من القصايد ديوان
وبياتي فوگ الهزل ما نزلها
عباس تعبنة الحچي الما مريود
الماتعرف بالطف بالشعر شدگلها
عطشانة سكنة وانته نايم عـ الماي
مو فشلة اگلهم ماي ماجابلها
عباس عالي وشكتب اقلامي ازغار
من اكتب عله عيونك اتخيلها
الله صفاتك والله حلوات هواي
هيه الصفات البيـك شتحطلها
(ولـ تنوية)
"عباس انت العدل وانت الرحـٰمن"
شاعرها من گالها تستاهلها
كلمات الشاعر : محمود الموسوي
تدوين : hajar_faqid
رد مع اقتباس
المشاركة الأصلية كتبت بواسطة Zahraa ❤ Al obaidi
