كل عام وانت ايام كل النفس
والجايات امن العمر والگضن
كل عيد وانا بخير وانت إلي
شيريد گلبي العنده مثلك وطن
شتريد روحي العدها مثلك عشگ
وجفوني بس بصورتك يلتقن
كل يوم وانت التنذكر بالهوه
وگلب اليحبك لا بچه ولا حزن
يا أول اسباب العشگ والدفو
والعافيه وكلشي حلو بهالزمن
الخام نفس الخام بس الفرق
ينعد عَلگ لمن يطب للصحن
والناس نفس الناس بس العشگ
خلّه الارواح الحبّن اتميّزن
يافرح هذا المالگانه سوَه
وياعيد مر وماعلينه صفن
انه المدلل شنهو راس السنه
هنيال راسي البين اديك انحضن
علي عماد
رد مع اقتباس
