هنا

[سمراء من قوم عيسى]

كل ذيج المشاعر
والقهر والضيم
والصحبه الجميله
بلهفه عشناهه
هيج تگول چانت
وسوسة شيطان
أترجاك
من كل بالك
أنساهه
وأنسه شماحچينه
وكل عهد گلناه
بالك لاتجيب أنوب
طرواهه
خايب وحده وحده
شبيك گلي شجاك
هم سامع گبل
مجنون سواهه
وك حاسب ضميرك
والظلم مو زين
وأتمعن وشوف
شكبر بلواهه
مو آنه السگيتك
من عطشت دموع
وشفافك الذبلن
ياهو رواهه
مو تاكل بروحي
مستلذ مرتاح
ماگتلك خطيه
الصبر وازاهه
ولو مسك برد
بضلوعي چنت تبات
روح أسأل ضلوعك
ياهو دفاهه
بيش تريد أذكرك
خايب أنجنيت
لو شارد ذهن
لو هيچ تتباهه
أصفن ويه روحك
مو لعب جهال
وأسأل روحك أنته
شجاك وشجاهه


م

[عٍآزفَہ آلُنآيَ]

[فقار الكرخي]

عاشت ايدج ياذوق