هنا

[فقار الكرخي]

عگب كل ظلمة ضوة
شما يشد الليل حيلة ، شما يمد جناحة حيل
يشهگ ويطلع فجر مهيوب ، عالدنيا يشع
ولو بقة ليلك ثجيل ، وطال حزنك
"هاك اصابعنة شمع"
أشما يطول الليل بيك
يصير دمنة خيوط للشمعات ، تضوي أبلا دمع
حط على عيون الوكت نگلات جدمك
وامشي
ماذل الدرب جدمين فاتن
لاچن اجدام الگعد خدرانة دوم
لاوي چف الموت ، بخيوط الشمس
تنزل بچفك حمامة
وتخضر بزودك معالي
وتمشي بچفوفك اسرار
فوت
بحزامك مفاتيح الزمان
شما قفل بوبه عليك ، شما لهب فانوصه تدري
ابليل اليناضل نهار

إنت شوگ العاشگ ، العطشان لشفاف الحبايب
وإنت ضحكات الفجر ، تغبش حديقة
ودورة اعيونك شرار.






الشاعر غازي ثجيل 1973

[Nazkul]

يسلموا

[صرخـات الرّحيـل]

جميل