هنا

[فقار الكرخي]

يحبيب
مدري ابيا سجه اتخاف الدنيا امن اليمشون
يحبيب ،،
مدري ابيا دمعه تبين حوبات اليبجون
او جانت سالوفتنا الخرسه اتعلم بشفاف اليحجون
والسنبل يحجي اوي المنجل
شو غير الزرعوا يجنون
والماي يناشد بالشاطي
ما شايف ذوله اليروون

والگاع تناشد بالدهله
شو غربه اعلينه يمرون
والبيرغ طووه بالذله
ومدري بيا طور يهوسون
ومصو دمنه وگالوا ماتوا
لموهم خافن يحيون ،،

لبسوا كل عيون الدنيا
وما كدروا بيه يشوفونك

واحد گال انفتش السنبل خاف يعيش اويه الحبات
واحد گال يعيش بنسمه خلونه انفتش النسمات
واحد گال يعيش بدمعه كتبوا ممنوع الدمعات





كاظم خبط

[صرخـات الرّحيـل]

رووووعة

[مًأّ يِّشُـبًهّـوٌنِيِّ]