هنا

[فقار الكرخي]

سولفتلي عيونه بالخط العريض
وحيل حبيت بوكتها السالفة
ما أريد يگلي بس اسمعها اريد
وروحي وي روحه اصبحت متوالفه
عيونه چانت ذابلة ومتروسة شوگ
وچم تعال انكتبت اعله شفايفه
والله لو له المستحه الما ادري ليش
ينگع هدومي وي لمعة طارفه
چا حضنته وبيه طرت لاول مچان
بيه جمعني بعيد عن الطايفة
وغاد امشط زلفه واتنفس هواه
ويمه امشي سنين عمري الواكفة
واترس ذنوبي ضوه من اتدنه ليه
وبزفرتي أشعل شهگته الخايفة
شايفة عيوني شكثر بس الاكيد
عيوني مثل عيونه ابد ماشايفه





م

[مــــ⇒ــــروه]

نَـــايَــًــــ⇒ــسِ

[ملكةه]

حبيت كلش

[سمراء من قوم عيسى]

الله
انتقاء روعه

[ايــوتــة]

كولش حلو

[مًأّ يِّشُـبًهّـوٌنِيِّ]

رائع

[Nazkul]

كلش حلوة