هو يكول
(منيلك هذا الحزن وانت اعله كدك)
وإني كتله :
منيلك هاي الصلافه ادور وجهك ؟
منيلك هذا الحزن وشكد يشبهك ؟
ضيع مني وسافر لوادم جديدة
باجر اعتگ وانقري گبالك قصيدة
وتبتسملي وتبجي يمي
وشحلات اسمك عله اسمي!
منين ماروجك خذاك ومنّي تبعد !
باجر هلال اشتهيك وبيّك اعيّد !
توكف الدنيا اعله رمشك واشتهي الصفنة الغريبة
ليش من نشدوك عني تگول ماعندك حبيبـــة ؟
وهيه صدفه تلوگلي عيونك واعشگك
منين ماتخطف ضوه بكل وحشة اشبگك !
رادو اغفه بغير حلمك والجفن فز اعله صوتك!
والمحطه الماخذتني تردني يمّك من افوتك
تلومني الغربه اعله گد ولايتك
الكاضني بهالعشگ بس حچايتك
من گلتلي : (الموت موعدنا لنهايتنه البعيدة
وحتى من تسكت الدنيا هناك تقرانه القصيدة)
.
صابرين الكعبي
رد مع اقتباس
