هنا

[فقار الكرخي]

عجايب ناسنه والعگل بيه يحير
يلاهي انت الخلقت الكون والامه
ال فتت جدامهم گالو خفيف الناس
اللذت بكتارهم گالو ردي وغمه
اكو ميت بطيبه ويانه ظل يعيش
واكو هو عدل گالو گبر طمه
عنتر صار ابن شداد مو تقدير
لولا أفعال جفه نسبو لامه
المايندل مجانه يتعب أهل الجود
واليندل مجانه يدام بالظلمه
مرعز خيطنه بس للعگل مصنوع
احشمه وللسبح مايرهم تلظمه
صح كركوشه آله بس علئ الروس يعيش
ومو سبحه العگال بجيبك تظمه
الوادم لو حجت هين حجيهه نگول
لكن حجي خوانك بالگلب ورمه
عاين بالوجوه وميز اليوفون
وخذه حجايه مو كل شارب تكرمه
النظره الاولئ الك فرزن وجوه الناس
بس الثانيه بيه اعتقد حرمه
الوادم كلشي زين تريده آله يصير
الهدهد مبتلي جي بي نفع عظمه
وبالك لاتخسره الشفته شكله زغير
تراك أظل هدل من تفگد الدگمه
وزرع والزرع ربك يبارك بيه
وأخذ حكمه النخل من يبتدي ب فصمه






كريم الحاتمي

[سمراء من قوم عيسى]

الله الله
عاشت ايدك يامبدع