هنا

[فقار الكرخي]

بعد ماريد اشوفك حتى بالاحلام
حتى اسمك نسيته من الفكر شلته
خلصت العمر وياك اداوي جروح
حتى اجروحي ملت ما ضجت انته
تجرحني وتگلي بحبك انجنيت
وجرحك بالگلب بدموعي ضمته
جاي تگلي احبك وانته حبك ليل
بس تطلع شمس حبك خلص وكته
روح الخاطر الله جروح بيه هواي
خليني اداوي جروحي بالسكته
اكابر ويه روحي ومن يجيني الليل
تتحسر جروحي تصيح ماخنته
لو ادري اليحب يشبع قهر وجروح
ماجبت العشگ بگليبي سكنته
زرعت الشوگ لجلك بالگلب والروح
تالي احصد جرح لو ادري مزرعته
جان اعضم درس حبك
درست بمدرسة گلبك
رسب كلمن مشه بدربك
راح اجوي الگلب ماريد يوم انساك
لان حبك درس بجروحي نجحته
تذكر من گلت سهران طول الليل
جبتلك نوم عيني وبيه نيمتك
دللتك ولك عاگر وجاها وليد
هيج انته يخايب والله دللتك
واذركر من عرفتك گتلي عندي جروح
خذت شريان گلبي وبيدي ضمتك
وبختصار وياك راح انهي الكلام
ما عرفك بعد صدكني لو شفتك



م

[ايــوتــة]

الله عليك

[سمراء من قوم عيسى]

شكرا ع النقل