فيّضتني اموادد
وگلبي انتشى وصفّك جناحه
طوگتني
وفاحت الگذلة مسچ
والجرح نعّس
يالگذلتك
والحدر منها محطات استراحة
دربي مطفي
وجيتني بشباج شمس الله البعيدة
وانا چنت بعازة إنجيمة زغيرة
أتذبني عطشان اعلى واحة
يا بخت، يا لفتت الله
يا بخت، يا فدوة لله
جيت زخة ماي للمحروگ گلبه
گبل ما تسمع صياحه
شذّرتني
وشحلاتي وياك صاير وشحلاتك
وشملذ الما أسولفهن، گباحة
طولك الخدران بستان العنب
ومنين ما يعجبني أسكر
يا ملذ خمر الملاحة
يا فديت اسوالفك خليني يمّك
خاف ما أندل واتيّْه
فدوة شمّمني گذلتك خلّي انام
يل كَذلتك بيت راحة
فدوة شمّمني گذلتك خلّي انام
يل كَذلتك بيت راحة
رد مع اقتباس
