هنا

[نسمة المساء]

موضوع جميل
انا ماعدي قوانين بيتنه(مستقله انا) اني قوانيني لنفسي بس وقوانيني كله لطيفة اهم شي الظهر انام 4ساعات بعمق

[Hani Yaqoub]

بسم الله الحلو

ممنوع نجيب لحم خنزير للبيت
ممنوع إقامة حفلات الطرب
ممنوع شرب الكحول بكافة أصنافها ( ايه تعرفهن كلهن )
ممنوع جلب الزوجه الثانيه للبيت ومن باب اولى ممنوع الزواج بثانيه

بالحقيقه والدي ماعنده ممنوعات مثل ما ذكرتوهن
وهذا لا ينفي صحة ما قلت أعلاه

[Nazkul]

موضوع جميل
انا ماعدي قوانين بيتنه(مستقله انا) اني قوانيني لنفسي بس وقوانيني كله لطيفة اهم شي الظهر انام 4ساعات بعمق

تماما مثلي احلى شي النوم او محد يحچي يمي

[سورين]

حبيييييت الموضوع
بسم الله
قوانين عائلتنا

1- أجل عمل اليوم الى غد (لأن عندك وقت ليش هلگد مستعجل ؟! )
2- الخصوصية ممنوعة بالبيت وعدم أحترام النائم واجب لا بد منه
3- لا يوجد سبب يمنعك من فقدانك شهيتك للطعام ( تاكل يعني لازم تاكل غصب )
4- ممنوع شيء إسمه نطفي الأضوية لازم نشغلهن كلهن حتى واحنة نايمين ( واني ابد ما أطبقه )
5- ممنوع أحد يبقى بالبيت وحده
6- ميصير تعبر عن مشاعرك بهدوء سواء ضحك او بكاء ، لازم العائلة كلها تعرف سبب الضحك او البكاء -_- او اي مشاعر تخالجك
7- ميصير يوم ما بي احداث لازم من ترجع من البيت تسولف كل شي حتى لو تخترع قصص من خيالك واذا ما سولفت يعني اكو مشكلة صايرة وياك *-*
8- الجمعة يوم عائلي وممنوع العبث بي
9- مستحيل الصباح يبدي بهدوء لازم صياح وهوسة وتهديد ووعيد ( لان متأخرين ع السايق كل يوم حرفياً)
10- الدراسة ثم الدراسة ثم الدراسة أهم من أي شيء عند أهلي

واذا اتذكر الباقيات اكتبهن

[فقار الكرخي]

طبعا ماكو احد بالبيت بس انا وامي
واخوية
قانوني
1 . غرفتي محد يدخللها حتى لو احتركت .
طبعا اعوف الباب بدون ما اقفلها
واذا اجانه خطار وياهم اطفال
يعرفون ممنوع الاقتراب
على كولة امي هاي غرفة الدعلج

2 . اكل البيت مستحيل اكلة
اله في حالة تكرمت وماكو واحد ادزة يجيبلي اكل من برة

3 . ملابسي اغسلهن بيدي




مشكورة ليديا عالموضوع

[سمراء من قوم عيسى]

موضوع جميل
اهم القوانين وجبة الطعام الجميع يجلس على طاولة واحدة

الكل يكعد الساعة ب8 الصبح حتى يتريگ حتى لو ماعندك شغل واهل المدارس ب 6

[إدريس]

شنهي حمامكم سفري هههههههه حلوة هذه احلى عقوبة محد يجبلك غراضك

ههههه اي وداعتك مفروض تاخذ غراضك
وطبعا امي حاطه هل قانون حتى ما نتمرض
لان نضل مطلعين راسنه ونصيح (منشششششششفففففه)
يمعودين (منشششششفه) هههه ولحد ما يجيبوهن الك انت تكون تمرضت

[ايليتا]

من قوانين القبل سقوط النظام هههه
يعني قبل ٢٠٠٣ كان كلشي بنظام
١- ممنوع السهر بعد ١٠ باليل
٢- ممنوع لَبْس البنطلون للبنات خههه
٣-ممنوع التحدث بالهاتف بعد السادسة .
٤- عند مجيء ابي لازم الكل يستقبله بالبيت .
٥- نتعشه سويه لان وجبة الغداء منلحك نلتم امي معلمة وابي كاسب يرجع باليل
٦- الكبابه او الكبه الكبيرة واللحمة ايضاً من حصة الوالد والابن هههه لهذا كنّا نخليها مرات الكبةً بلا حشوة مقلب باخوية ياكلها ويكتشف كلها تمن ههه.
٧- الجمعة لازم ننجمع كلنه عالغداء ونسوي جاي مهيل يعد كل وجبه.
٨- اذا تنطفئ الكهرباء ماكان اكو مولدة لحد عام ٢٠٠٠ فكنا خمس خوات نتناوب على المهفه للوالد ونتعارك همساً اذا خلص دور وحدة تلزم الثانية وهكذا.
٩- قانون الجاي لابي حتى لو بشهر الثامن الحار وماكو كهرباء يريد جاي خههه
احلى ايام
ايام البركة.. اوف هذي ايام البطر هسه
عدنه كلشي بس ناقصتنه اللمة الحلوة...
شكرا للموضوع الجميل الذي قلب اجمل ذكرياتنه حبيبتي ليديا دومك مميزة بمواضيعك احبك
١٠- نسيتً أضيفه ممنوع الاقتراب من غرفة الخطار .. لان اختي الطبيبة تقره بيها وكتبها وهياكلها العظمية موجودة بيها اشررد

[ليديا]

ههههه موضوع رائع ليديا

احنه بيت ديمقراطي جداً لذلك ما عدنا هوايه قوانين لكن خلي اكتبلك الي اذكرهم فقط

١ _ ممنوع لمس اللوحات المعلقة على الجدران والا ستكون خصم لرب الاسرة ^__^

٢ _ ممنوع التدخين في البيت اثناء وجود والدي حتى لو كان الضيف عزيز جداً

٣ _ لما نسمع صوت ام كلثوم جاي من مكتب والدي معناها مثل اللمبة الحمراء ممنوع الدخول ^__^

٤ _ الي يرجع للبيت متاخر مثلاً ساعة ٣ صباحاً ممنوع ان يدخل من الباب الرئيسية لذلك لازم اتسحب مثل الحرامي وادخل من باب المطبخ حتى لا ازعج النايمين




هذه هي اهم القوانين الي خطرت ع بالي حالياً

شكراً ليديا

ههههههه ذكرتني بأخي يوم رجع للبيت متأخر و أراد يتصلق الجدار من الباب، وراح اخي الكبير فاتح الباب و هو ظل عالق يتأرجح المسكين ههههههه

[ليديا]

هلا حبي اكو نوع من الحرية بالبيوت العراقية مثل تكعد بال2 تحمسلك طاوة طماطة وبيض مسألة طبيعية،تلزم موبايلك 24 ساعة مسألة طبيعية اتنام شوكت متحب وتكعد وكت متحب هم عادي جدا هههه عن بيتنا مااشوف اكو قوانين صارمة ..
بس الموضوع جدا لطيف عاشت ايدج

وااااو معقول ؟؟؟؟

كيف يمكن استنساخ هذا الوضع؟؟؟