هنا

[ليديا]

مرحبااااا

كيف حال الجميع...

جلسة جماعية هنا بالمقهى فدعونا نتسامر حول موضوع شيق

وهو قوانين البيت

بالتأكيد لكل بيت قوانينه، الخاصة سواء نشأت بحسب العادة و التكرار او عن طريق التصريح...


شاركونا قوانين بيتكم

أبدأ أنا

بالنسبة لأبي يمنع منعا باتا تحريك هاتفه من مكانه او ازالة الشاحن حتى لو أكمل الشحن و انت بأمس الحاجة لاستعمال مأخذ الكهرباء.. ببساطة لانه بمجرد أن يكتشف فعلتك ستكون انت المتهم باتلاف هاتفه و لو بعد شهر و نصف من الحادثة (تعال ماذا فعلت له لماذا لا يشتغل لماذا ليس لدي رصيد......) ههههههه لا احد سينقذك او يشهد معك او حتى يتضامن معك.

يمنع أيضا تناول الطعام خارج الأوقات المحددة (4 وجبات في اليوم)

يمنع منعا باتا تناول الطعام في الليل.
يمنع منعا باتا عدم تناول الطعام بحجة انك زعلان (يا الهي اتذكر كم عذبني هذا نفسيا تحت شعار تاكل بلا جدك الحل...ف) ههههههه
يمنع منعا باتا ان تنسى إلقاء التحية و السلام كل صباح والا لعنت كل الدراسة التي درستها في حياتك.
اذا شخص من العايلة ما بات بالبيت لازم تسلم عليه قبلة على اليسار و أخرى ع اليمين في اليوم التالي.

اذا عادت امي من السوق فلازم تقدم تقرير مفصل عن الأوضاع السياسية والأمنية في البيت أثناء غيابها ههههههه تحسسك انها غابت شهر، و تفعل كل هذا وانت تركض لها بكأس الماء و تنزع الجوارب النسائية الملتصقة بأرجلها و تسألها ماذا تريد ان تأكل، رغم انك تعرف انها اكلت بيتزا في الخارج هناك... لكن هذا هو القانون والا فلم تنجب الارض اكثر منك عقوقا.

دوركم

[انسان ثاني]

ههههه موضوع رائع ليديا

احنه بيت ديمقراطي جداً لذلك ما عدنا هوايه قوانين لكن خلي اكتبلك الي اذكرهم فقط

١ _ ممنوع لمس اللوحات المعلقة على الجدران والا ستكون خصم لرب الاسرة ^__^

٢ _ ممنوع التدخين في البيت اثناء وجود والدي حتى لو كان الضيف عزيز جداً

٣ _ لما نسمع صوت ام كلثوم جاي من مكتب والدي معناها مثل اللمبة الحمراء ممنوع الدخول ^__^

٤ _ الي يرجع للبيت متاخر مثلاً ساعة ٣ صباحاً ممنوع ان يدخل من الباب الرئيسية لذلك لازم اتسحب مثل الحرامي وادخل من باب المطبخ حتى لا ازعج النايمين




هذه هي اهم القوانين الي خطرت ع بالي حالياً

شكراً ليديا

[Suzana]

هلا حبي اكو نوع من الحرية بالبيوت العراقية مثل تكعد بال2 تحمسلك طاوة طماطة وبيض مسألة طبيعية،تلزم موبايلك 24 ساعة مسألة طبيعية اتنام شوكت متحب وتكعد وكت متحب هم عادي جدا هههه عن بيتنا مااشوف اكو قوانين صارمة ..
بس الموضوع جدا لطيف عاشت ايدج

[August]

ماكو قوانين صارمة هواي
عدا مسالة النظافة فهي خط احمر لازم الكل يلتزم ... حلو الموضوع

[بـشــــار]

هو مو قانون بقدر ماصارت عادة
انو وجبة الطعام الجميع يجلس على طاولة واحدة
وبقية الاشياء مو بذاك الحجم
موضوع جميل

[ضياء المالكي]

حلو الموضوع ليديا .. عاشت ايدك
مثل هذه القوانين اصبحت من الماضي اما الان لا بلا تقيد الا ماندر من البيوتات العراقية
لكن انقللك من الماضي بعض القوانين الصارمة كانت وخصوصاً من الوالد الله يرحمه
1- اول مايرجع من الشغل ... لازم مايلكي اي واحد خارج البيت الا دوام المدرسة والا تقام القيامة
2- عندما يريد ان ينام لازم واحد يعمله مساج لقدميه لحد مايغفى وينام حتى لو بقي 3 ساعات
3- اما الام الكل يكعد الساعة 6 الصبح حتى يتريگ حتى لو ماعندك شغل والا تكعد بالرفس هههههه

وبس

[نـايـا]

حلو الموضوع ليديا

بعض القوانين اني مخليتها فخليها سكته

[إدريس]

موضوع جميل يا ليديا الجميله

ممنوع ترك باب الثلاجه مفتوح (شيء بديهي) وامي غالبا تعرف منو نساها وما اعرف شلون تعرف هههه
.
.
ممنوع ارتداء شبشب أمي (تكرمون) ..والي يلبسه ليلته سوده ويتحمل كوم محاظرات
.
.
الي يسبح ياخذ كافة غراضه وياه وما يطلب اثناء استحمامه منشفه او اي شيء :) ...واني اكثر واحد ينسى غراضه ويضل يتوسل يجيلوهن اله
.
.
.
هذني الي اذكرتهم

[ضياء المالكي]

الي يسبح ياخذ كافة غراضه وياه وما يطلب اثناء استحمامه منشفه او اي شيء :) ...واني اكثر واحد ينسى غراضه ويضل يتوسل يجيلوهن اله

شنهي حمامكم سفري هههههههه حلوة هذه احلى عقوبة محد يجبلك غراضك

[أليس]

موضوع حلو وممتع جدا
اهم القوانين الي بيتنا "
1ـاغراض الوالد محد يتقرب على ممتلكاته لابتوبه وتلفوناته وبالاخص الهيتفون
2ـممنوع فصل الشاحن عن هاتف الوالده والا تجيب اخرتك بيدك
وماعدنه هوايه قوانين يعني كل واحد وقراراته والقوانين الي يتخذها نحترمه جدا
لان عائلتنه صغيرونه