عوفهم..
صاروا لغيرك
بعد لا تذكر هَواهم..
گول عايفهم وراي
ولا تظل تفتر وراهم..
لاتدوّر بالرسايل .. والهدايا
وربّك لغيرك هداهم..
نام گبل السهر ليله
ولا تشوف اليل من يلتم عليك
وهمّه ماهم..
لا تمُر ابكل درب بي خطوه منهم
اتعوّد اعله الموت واتحمّل جفاهم
من تجي اصورهم ابّالك .. دير بالك
صعب جرح الخلّصت عمرك دواهم!
لا تفتّش بالهوه عن صوت منهم
ماحچو مثلك .. ولا مثلك حچاهم
كل معانيّك نِسنهم..
ليش گلبك ما نساهم؟!!!
ليش من ايمر ذكرهم
كل ظلام بروحك ايغنّي لضواهم؟
عوفهم..
شافوا دربهم ، لگوا غيرك .. لو بَخت غيرك لِگاهم
المهم .. لا تظل تسأل ..
همّه هم ميتين مثلك چي ولا ملگه حِياهم
وانته اذا سألوك عنهم ..گول الاطّاهم خَذاهم
علي عماد
رد مع اقتباس
المشاركة الأصلية كتبت بواسطة فقار الكرخي
