هنا

[فقار الكرخي]

ﭼــنت اعتنــيك امســرفــن براحــة بال
ومــن اوصـل تڪسر ضلــوعي الشبگه

هســه اشعـجب بـدلـت وجهــك مڪفاك
بلــبل عشگنه اشـــسوه حــته اتخنڰــه

ابمڪفاي بابــك ﭼـان يتنڰــع ماي
ﭼـا ليـش هسـه ابوجـهـي گــمت اطبـگه

شــنهي الــبدر من عنــدي حتـه انـته تخــون
وتعـوف بيــه ســوالــفك والحـرگـه

يمڪن حـﭼـولك عــني گالو ميفـيد
واحــد فقـير وانته لا مــو حگه

حــگ واحـد انــته اجيــوبه تــهدلهه فلوس
مو مال واحــد عند بــس الصفگه

ﭼـنت ادري راح تعـوفنـي من ايســمعوك
هــذا الحـﭼـي ومعـناها وڪت الفــرگــه

ماردت ابــينلك تره اجيـوبـي اخفاف
ادري انــته ويه الطــمع جـلد ودگـه

البــير لــ يغــرك لــون ﭼـان اﭼــبير
شــوف الــدلـو ازغــيرون بــس ايسحـگه

ومــو ڪل صفــار يضــظوج منه البـستان
بعــض الصفار يــلوك ويـه النــبگه

وانــته الردت تخــسرني وتحــصل مال
ومافڪرت مابين خلگي وخلگه

غلطه وبعد ماتكدر تردهه اوياي
باب العشك فاركته من اتسركه

مو كلشي من تشكه يرجع بخياط
الورق مايتخيط امن اتشكه

فترة وكت ونساك والهم ايروح
ويطيح غيمك من سماي الزركا

انسه العشك والخلصتهن وياك
ونسه الدرب ونسه الحضن والملكه

وحركني كل مابيك نار ودخان
الحرمل ايطك صيته من اتحركه






لـــ علي الميالي.

[سمراء من قوم عيسى]

الله

سلمت ذائقتك لانتقاء كل ما هو جميل

[نسمة المساء]

جميل ذوقك

[ايــوتــة]

تخبل