خذاها الليل من تاهت
اوعگُب طرشة عمر منسي ابشواطيه
اجتنه اعلئ الظلام ابلام فضيه.
تفوج ابروج تتمزلگ شواطيه
اونفوج الها فلك ناعور، يغرگ و السواجي اتدور
نصل يمها نغوص ابعيد
تصل يمنه نطيح ابعيد
اوتبسمرنه ابدواير نور...
سفينه اتحنطت و شراعها اگبور
اوندور، اندور...
غيوم اسراب من بين السراب اتفور
اوتگطَّع طوگ البلامه
اوسطع بينه جنح فضي يعت سچة سفينتنه
اوعلى ضيّه انطفئ ضيّها،
اوتلاشت عالجنح نجمه خذاها الليل من تاهت
شاكر السماوي
رد مع اقتباس
