هنا

[فقار الكرخي]

على شفافي ..
بيادر مستحه ..
وعتاب وسواليف ..
غيبها الخريف ابغابة الملگه
وعلى اعيوني ..
سِفر مكتوب ..
تعجز ماتحله أمواج للشهگة
اشما اعجن زماني ابچف صبر مكسور ..
يجرحني السكوت ..
اووحشة الفرگة

[سمراء من قوم عيسى]

يلن هذا ألعمر وياك غيمة بريح
وجروف ألسما بلا حد
تمر بالروح
جزر وتروح
أموتن وأنت تطفح مد

لـ ذياب گزار

[فقار الكرخي]

حّنة المنجل بدمي اعناد مهره

وشَب صهيل الحيف
گامه بلايه حس

واهسي كذلة ابريسم

بفيّ نياشينك
بروحي
تفرفح الشهگة شمس

[سمراء من قوم عيسى]

هـلـبـت تـجـي اويـه الـمـطـر
عـنـّاي بـجـدامـك

كـافـي أنـاطـر صـبـر
وأسـهـر عـلـه أحـلامـك

[فقار الكرخي]

يافشلة حمد والريل
لادگ اگهوه..ولاهيل
لاظلت سنابل للگطه امخضره
وشجاكم...؟
مو فضحني الليل...
چا بيّه اشيسوي لو طلع فجره
واتانيكم.
شتانيكم

[سمراء من قوم عيسى]

صحاري من ألعطش عمري
ونزيزك بالگلب يضحك

[زهر الربى]

هوى أيبچي
هوى گد ما أعذيبي وي الگلب يحچي .

[CaSpEr]

عشنه غربه، الضحكه غربه، الدمعه
غربه، الموت غربه،، حتى
گبرك من يلمك وحيد بلاية صحبه

[CaSpEr]

‏مرات ماكو بشر تحچيله البگلبك
بس المصيبه الحچي من تسكت يتعبك

[CaSpEr]

هذا الليل شيخلصني منه ؟
فنه الما يحِن بـ الليل فنه .