ليش الليل مايندل گمر لوني
وليش ابشوفتك ماعثرت اظنوني
شمسويتلك اعيوني
ليش الليل مايندل گمر لوني
وليش ابشوفتك ماعثرت اظنوني
شمسويتلك اعيوني
.
ياأول گطن خدران
شارب گذلة الگمره
يگلادة هوه المشخاب
دحجيلي
ثواب احجاية السمره
يمته انزف علگ بايد
وطگ شباج وي عودج
باجر الله من ايشوف
بيش ايحاسب ازنودج
موبدينه
صار فتره معاندين والضحك مامر علينه
موبدينه
اشتاقت عيوني الجنابك وكلنه ننسه ومانسينه.
اضحك حتى لو بالچذب من تضحك
لتحچي على الخسارة وسولف بربحك
اخذ دور الطريده بعين كل صياد
ولتخلي العيون الفاهيه تلمحك
العمر ماينلزم بالحزن لتگضي
باچر هم وراك الدمعة التفضحك
لتستعجل شبابك على جروح الناس
اعز الناس باچر يمكن يجرحك
محمد الكريطي
مر بيه صدفه وفااااات يمكن مضه اسبوع
بس الله شاااهد شال صفطه من الضلوع
منقول
رسمتك فوك گلبي حتى ما يشتاك
حتى بغيبتك يخمد حنيني
بس عيني المصيبه اشتاكت اليوم
كلي شلون ارسمك فوك عيني
يا اول اصمله وچايه امن الـ حل يا ضحكه البردي امن الهوه يشمل
مو غرگان
بس بجفاك شميت الهوى توسل
يـ شيطان الضوه ما لاحتك شاره
النخل لو يدري شنهو الشيب يكره لون جماره
علي حسن علوان
بيه فرح وبيه حزن
واثنينهن يردن دمع
والعله مدري بيا كتر لااشوفهه ولا تنسمع
كاظم خبط
سنه اتعدت
ولسه ضويات الحزن يطفيها لونك
فدوه يروحلك كل عيد
فرحتي بـ شوفه عيونك
تعال وخل اسولفلك عل الانضمن
ولو هو العشگتة سوالفة يفشلن !
