هنا

[فقار الكرخي]

من باقي العمر نص ساعة
خلي أنبوگ
خل نشوة عشگنه أطوف
عله راگ ألگمر هألليله معزومين
أنه وياك، وعيون ألنهر، و الليل ولمشحوف !
عله حبنه ألعفيف ألگصب ضل ناطور ؟!
ألليله أرد أضيعن بيكـ
بعيونك سمه
وبعيوني سرب أطيور !!
ياحلقة وصل بين الگمر و الگاع
مد روحكـ بحر مديت روحي أشراع !
نجمات الفرح تتلامض أمنبعيد
تنثر فوگنه بكل صوب جنه وكرنفال وعيد
حبيبين أعله جرف الليل نتمشه
خل نلحگ گمرنه
أنخاف ينصاد بشبچ هيالة ألغبشه ؟!
لاتصفن..
يبوگ الليل من راگ الزلف لگاح للنسمات ؟؟
لا تصفن..
خذانه ألموج لحضان ألصبح
وحنه بعدنه بأول الچلمات !!





سعيد الـشريفي

[سمراء من قوم عيسى]

روعاتك يا مبدع