هنا

[فقار الكرخي]

بنَيّت ريف
وحزامي ألظفّر بردي
وعشگ بلام
ياخذني أعله چتف الهور
وَسمع فرحت ألنسوان
مشاحيف ألگصب ردن
أمدّن شوفي من أبعيد بالچي
أوياهن أتلگاك
أوي ألمغرب دمعتي أتسيل
وتلتم يمهه ألحديثات
يسألّني وگللهن غنه ألبلام بچاني
ألحد يمته..أضمضم سرك أبروحي
ألحد يمته أسولف حزنك ألعيني
حّلفت ألسمچ بألطين
يوصلك بواچيي البلعها الماي
يسولفلك رجف گلبي بليالي أشتاي
ياخص، ياگصب، يانهر، يابستان
يحرورة نهد خدران!!
ياصفنة گصيبه، ياسهر نعسان
سمع چيلات ضحويه
بهلاهل طَرّن ألديره
خجل زلفك يهرش ألروح
ظم روحه وره ألشيله!
يَحچيِ ألليل وين ألگاك؟
ألعمر كاغد خذاه الروح
مابيَّن
جرف حته أعله راگه أرتاح!
غنيلي أعله گد خلگي
يطير ألهور
بردت گهوة أسنيني
وقَريت أدموعي بالفنجان
وين ألله وچذب يطلع حچي الگهوه!







محـمد رسن

[سمراء من قوم عيسى]

عاشت ايدك ياراقي