هنا

[نسيم العراق]

الى اعز الناس


الطولج ييمة انروح فدوة
يللي من النخل طبعج خذيتي
من يكثر حملهة اعثوكهة اتميل
ومن كد المحنة انتي انحنيتي
علة اجفوفج هم اتحط الفراشات
ابساعة قنو تج لو دعيتي
انت وية الورد من قدرة الله
ابهاي الصفة يا يمة التقيتي
تحملتي اشكثر بالدنية الام
ولا مرة سمعناج اشتكيتي
وي ربج نسمعج اخر الليل
بس اويا شكو عندج حجيتي
ويمكن ربج من انطاج جنات
تحت رجليج ها كلج رضيتي
يا قمة جبل ما هزتج ريح
الغير الله ابد لا منحنيتي
حتة ادموع عينج ما جرت خوف
خشوع الخالقج لمن بجيتي
واذا دمع العبادة يمحي الذنوب
انتي ابلا ذنب يمكن صفيتي

[Muna Kram]

والله بجيتني

[سئمت الانتظار]

عااااااااااااااااشت ايدك على الموضوع الرائع

تسلم على الجرح الي هيضته الي بيه

[علي الازيرجاوي]

الله الله عليك

[عمر ناصر]

رائع

[نسيم العراق]

والله بجيتني

سلامتك اختي منى..ماكو أطيب من قلب الأم.

[نسيم العراق]

عااااااااااااااااشت ايدك على الموضوع الرائع

تسلم على الجرح الي هيضته الي بيه

وإيدك العايشة اخي العزيز.

[نسيم العراق]

الله الله عليك

الله يسلمك ويحفضك ..منور الموضوع أخي علي.

[نسيم العراق]

رائع

حياك الله اخ عمر نور بمرورك الموضوع.

[بـاران]

الله

رووووووووووووعة