هنا

[عطر البنفسج]

قصيدة عن الإمام المهدي عليه السلام

بسمك نهتف يامهديهه يامهدينه هاي رجالك تسال يمته يهل هلالك وتعيش بكل عز بجالك بس كون تكوم وتنويهه * * * * * كوم وطالب اخذ بدينك بالشده وياك وعد عينك سيفك احنه واحنه يمينك وياك اليوم نصفيهه * * * * * أخذ بثار الزهره البضعه وكل باطل بمجانه توضعه والباطل للحك تخضعه وحكوكك الزهره تراعيهه * * * * * جدك حيدر مجتوف اليد للحكم يريدونه يايعيد عبد وعالسيد يتسيد ياقانون اللي يقربيهه * * * * * جدك متخضب بصوابه وبفكده ينحب محرابه والشمل تشتت بمصابه والشيعه تيتمت تدريهه * * * * * اخذ بثار المات بسمه واطلب يامهدينه بدمه تدري بجده شلون يشمه اول ريحانه لهاديهه * * * * * عن احداث الطف ارويلك بلسان العاينهه احجيلك يامهدينه ينهد حيلك لمصاب العيله وراعيهه * * * * * عاين هذا نصاب الاكبر بسيوف الاحقاد مطبر تكلول الهادي بدمه معفر كل اوصاف الجد حاويهه * * * * * والقاسم ابن الريحانه نايم جالورده الذبلانه وتروت روحه بايمانه من هذا المنبع يرويهه * * * * * عباس نكطعن جفينه نابت ظل السهم بعينه راح من حسين اللي يعينه راح الكافلهه وحاميهه * * * * * والرايه الظلت ملفوفه تسال شخصك يمته تشوفه لجفوفك ظلت ملهوفه تتنظر ترفع ساريهه * * * * * عبدالله شحجيلك عنه عاين وبدم جيده محنه طير ومذبوح يرف جنه ولروح حسين ماذيهه * * * * * عاينهه لزينب بفجيعه جتي بدمعه وعدهه وديعه روتهه بلحظه توديعه وفت كل دين العليهه * * * * * وحسين يودع أطفاله والتوديع اصعب كل حاله من طب ميدان الخياله عرفهم كصده يوعيهه * * * * * جدي طه وحيدر واله والناكر هم يصبح جاحد رد الكوم بجلمه حاقد بغض يحسين لداحيهه * * * * * حاربهم بايمانه وصبره ولدين الحكك ضحه بعمره وبحقد الخيل ترض صدره عالرمح الرووس معلكيهه * * * * * عاين للسجاد بعلته بس خدر واطفال بذمه وتباريهم ظلت عمته ترضه بهالعيله ماسريهه * * * * * بثاره لحيدر ينتظرك يامهدينه ليمته صبرك يمته تظهر يمته امرك والنار الشبت تطفيهه * * * * * شمع الصبر بناره ذايب يامهدينه بسك غايب بعد شتسمع من مصايب حته تكوملهه وتحميهه * * * * *

[مهدي الموسوي]

عاشت الايادي

[علي الازيرجاوي]

رؤؤؤؤؤؤؤؤؤؤؤؤؤعه بارك الله بيج

[عطر البنفسج]

عاشت الايادي

ايدك العايشة شكرا للمرور

[عطر البنفسج]

رؤؤؤؤؤؤؤؤؤؤؤؤؤعه بارك الله بيج

مرورك الاروع شكرا جزيلا

[كبريائي قاهرهم]

اختيار مميز
كلمات جميلة
ذائقة ادبية مميزة
لا حرمنا روعة جديدكِ القادم
ودي وعبير وردي