ياجبير بكبر نفسك
أخوتي الاحبة كل عام وانتم بخير بمناسبة عيد الله الاكبر (عيد الغدير)أهنئكم واهنئ جميع الامة الاسلامية راجيا من الله تعالى ان يعيده عليكم باليمن والبركة والثبات على ولاية أمير المؤمنين علي بن ابي طالب عليه السلام... واهديكم هذه الابيات لصديقي العزيز مصطفى الطيب
مدري ليش أمن أكتب أسمك ياعلي أتصفك ورقتي
ويعلي .. أسمك حرز علكتة فوك ازنود شفتي
ياعلي اشما اذكر اسمك ... تكبر واشبع زغر
ياجبير بكبر نفسك ... والبشر يمك صفر
ياقصيدة .... والله من كل كلبة كاتبهة المحمد
واجت مليانة شعر
.................................................. .............................
شكتب يعلي ظل العقل محتار
شو كل القصايد جنهة مكيولة
يالمابيك لولة وشعري مو قرآن
لازم من أمدحك ألكة بي لولة
ياأهل الحفل حيدرنا طب الباب
أعرفة أمن العمامة وهيبتة وطولة
كوموا أستقبلوه بلهفة العشاك
وصلاة ابكد علي بهاليوم صلولة
حيدر يحضر وماضن كلافة بهاي
حتى أيشوف من بخلاص يقرولة
والبيت اليهزة ايصيح أعد الله
ويكل للملايك بيت سجلولة
والجمهور مو وحدهم ايصفكون
أسمع حيدر آنة يكول صفكولة
ترسمك ياعلي انجوم السماوات
على وجه الارض جنة وعصافير
يالكلك لألله وماكو شيطان
شافك ماكتب لبليس تقرير
يريحت مستحة أتجلب بالاهدوم
وأمان انشوفك أبوجه النواطير
أبني المايعرف (الدادا) مولاي
بس اسمك يلفظة بأحلى تعبير
علي ابحلك المهد تحجيك الاطفال
دخيلك مالكيت الهاي تفسير
علي انسانية الله الما الهة احدود
علي اجفوفك حمام وفوكنة ايطير
علي اللوح الالهي الحافظ الناس
علي بشفة اذان الروح تكبير
علي المنجي العظيم الجان لولاه
يوسف ماطلع ولهسة بالبير
علي أدلل على الله بأسمك اهوي
حتى المايصير بجاهك أيصير
ومامحتاجك الله ورايدك حيل
لانك هيبتة ومحكم كلامة
علي روح النبي وماشكن بهاي
واليتهمني اردن اتهامــــــــة
خلص وكت النبوة وراد يرضيك
لذلك خالقك سوة الامامــــة
للايتام اسمك والد يصــــــير
يالمخلوق حصراً لليــــتامـــة
ودليلي بهامتك من صابهة البين
اعاين كل يتيم انصاب هامـــة
مدح بيك الرسول وشاف الوجوه
وضم باقي الحجي ليوم القيامة
أحسن ياعلي مو جنت الناس
شراح يصير لوكــــمل كلامــة
وعلى ذكر القصايد حتى بالدين
ندور عن شعر بالصفكة ينقاس
ولا جن القضية الاجر محسوب
اذا بخلاص تكتب اسم عباس
فقط من غير صورة وآنة وياك
الشعر يصبح شعر من يمطر أحساس
ولهل البيت واجب نكتب الزين
شعر بي صوت حمزة اليعدل الراس
وانة مرة العلي ردت اكتب ابيات
وطين الورقة صارت والحرف داس
لأن الفكرة جانت ناس وأعلام
وعلي يرضى لعلي مايرضى لاباس
ولن الصوت اجاني أيجفل الريح
أستحي وأمدح علي ومعليك بالناس
رد مع اقتباس
المشاركة الأصلية كتبت بواسطة عطر البنفسج
