بسم الله الرحمن الرحيم
والصلاة والسلام على محمد وال محمد
قصيدة عراقية تناجي أمير المؤمنين انقلها لكم من جوالي
مكتوبة ومرفوعة بصيغة mp3
للشاعر سامي السيد
هـــــي عــونه اليطوف بحظرتك مظلوم *** وهــــــي عــونه اليشكي همومة بالحظره
ياســـــــيف النبي ويافـــــــرحة المسكين *** ويا باب الصبر بالي خلص صـــــــــــبره
تمنيت بظريحك مني روحي تــــــــروح *** يا زوج البـتول الطاهرة الحـــــــــــــــره
حــــــــتى الانبياء تندب علـــــــي الكرار *** أسمك يا علــــــي بالمـــــــــوزمة شكبره
تاريخك مـــــــجد ياســـــــــــــيد التاريح *** يا علــــــم الفلك والكــــــــــــــون والذره
منـــــــو مثلك علي ضحى شكثر بالدين *** وأخـــر تضحياتة يضحي في عمــــــره
أو منـــــو السمو اسد في معركة صفين *** وبصـــولة بـــدر خلــــــــــة الزلم حدره
أو منهو الي قهر أمة بني اســــــــرائيل *** وضــلت الى الان بأســـــــــــمه منقهره
علــــــــــي اسمك كبل ما واحد مسميه *** جبــــــــرائيل خط اسمك على الصخره
بالكــــــــــــعبة يحيدر طلكت أمك بيك *** وحتــــــى الجن الازرك لبد في جحره
يونـــــــــس ندب بيك انت قبل لتصير *** وكـــال أحضر علي وخلصنة هل مره
ينـــــــدب يا علي المضايق ومظلــوم *** وأليــــندب علـــــي شكد ينفتح صدره
عفــية شكد عظيم انت يبو الابــــطال *** الجـــن والانس منـــــك كلهة متوشره
منــو غيرك شفيع ألنــــه يبو الكلفات *** لـــو قامت الساعة بنــــــارهة الكبره
ياركـــــــــــن الرسالة ويابو ثار الله *** ويا أول القدره وأخــــر القــــــــــدره
ويا سيــــف الفقار وقاري علم الغيب *** ويا بيرغ محمد ســــــــــاعت الوزره
يا صنديد يالمــــثـلك فلا موجـــــــود *** وكعــــــــبة الطلكتك مو حقهة مفتخره
عاشــــــــــرنه طريقك بأول المشوار *** وبـــــــس ابن الزنـه الي ينكر العشره
والله يا علي من انخاك وقت الضيك *** همومي تروح كلهة وتنجلي الحـــسره
محمد (ص) بالغدير شكـال للاسلام *** مــــو وصه بعـــلي من بعدي بألامره
ويتبرة محمد ( ص ) منة يوم الدين *** كلــمن ما حزن في ليلة الطــــــــــبره
علي وابنه حســــين العجب الثوراة *** أبــيرغ رفــــــــــع راسة باخـر الثوره
حسين الما خذل دينة وكتـــــاب الله *** شلــون يذل حســــــــــين وامه الزهره
نادى الموت اولى من ركوب العـار *** وخلة جيوشهم على الارض مطـــشره
وابنك ابو فاضـــــل بالغضب بركان *** ليــــث وبالشـــدايد محــــــد يكــــــدره
سحكــــــهة بالفراة وخلة دمهة يسيل *** تمنـــــيت الفـــــــــرات يشع ولا قطره
لان عطش جبود المصطفى الاحرار *** وعبـــــاس انغـــدر بالـــــيمنه واليسره
مهموم اشــــــــتكيلك حالي يا مولاي *** انــه بصدري يحــيدر غافيـــــــه العبره
توازت يا عـلـــي والباطــل الســياف *** والــــــــحق صار اخرس وانته التظهره
ما يخدر جـــــــــرح ولا يريد يطيب *** ســــم فرعـــــون بيه الجرح شي خدره
الضلع ضك ونكسـر وختلة الاوزان *** ومنـــــــــــو غيرك غظنفر يجي يجبره
يا حامي الحمة شنسوي محتـــارين *** تعبنــه مــــــــن الدماء والظلم والهجره
ما صارت قبل حتى بزمن نمـــرود *** الســــواهه يـــزيد وزمرته وشمـــــره
انه منين اشتكيلك واحجي من يا باب *** مــــن هـذا زمانـي القاسي وغــــــدره
حقدو عل النسل جي من علي الكرار *** شــكم هاشـــمي ايــــــه الضيعو ذكره
خلصنه انتـهـينـــه كلــي وين انروح *** وعـيـشـتـنـه صفــت يا عيشة الكشره
يا حاكم يجينه يكــــض علينة السوط *** قــسو بـــسيوفـهــم وجفـوفهم قـــــذره
اعتــــــقالات ومشانق يسجل التاريخ *** وماكـــو من ظــلمهم كل بــــشر يبره
شكد سنين عشنـــه بعالم الاحـــــزان *** كــل يـوم اليــجي نتأمل الـــــــــبشره
من هالك لمالك نـــــــــــنشرة وننباع *** أوطـــنه ياعــلي صار بورق سعره
ألحـــــدمن سـيدي استعمار بستعمار *** ويا حاكـــــــــــم يجينة محمل بشره
انطينة تضحيات من الشباب هواي *** مـــو ملـــــــيون حتى تعدو العشره
شجا هذا الوطن بي كثرة الرايـــات *** كلـــــــــمن رايتة ودستوره وقصره
وشجا هذا الوطن ياوطن البتـــرول *** الحرامية تـــــــــحوف ومحد ينطره
ولتحميل القصيدة
رد مع اقتباس
المشاركة الأصلية كتبت بواسطة مازن
