زهيري ..بقلمي
ياصاح دمعي جرا من المحاجر وشل
وجروحي كثرن علي مابيه اخيط وشل
والحيل مني رگد سل وتبريد وشل
من دون ربعي انا صوت الحزن صاحبي
مغتاض مني الفرح بس الهظم صاحبي
شحچي وشسولف بعد ماظل كتر صاحبي
احسب نوايب على ظهري احطّن وشل
حطني بخاطرك لو شح عليك الماي
تلگه الروج عالي يلاعب جروفك
واذا مرّك عسر لو چتّفاك العوز
اصيرنلك جسر ما أنسه معروفك
حطني بخاطرك بعيوني شوف اعداك
وضمك حدر ظلعي ومحّد يشوفك
قلمي
شرح منشار حط بالروح شرحاك
لاتشرح اخاف يطول شرحاك
براسك من جفيت ابليس شر حاك
ورضع ويّاك كل شينه ورديه
بقلمي
افتتاح موفق
خلها سكته الروح ذبلت..بعد مابيها خضار
تمشي بينا الدنيا تختارالطريج
موبديناالاختيار
نمشي ما ندري بعمرنا الضاع غفلة
ثاري عدّانا القطار
وينك يل مشيت
ولابعد جيه..
وينك مشتهيتك
شِهْگتْ الريّة
تعال الروح ترفة وما تحب ابعاد
تدريها بمحبتك صافية النيّة
خلينا نتعاتب بس عتب خلان
وخل ننسه الجروح البيك والبيّه
يا ميزان عگلي ويا صفاة الراي
يل بيك بكثر ما بيك حنية
يل بيك بكثر مابيك حنيه
بقلمي
رووعه
زواج دون السن القانوني
................................،
ابتلت بلوة الروح من حبّت زغير
حيل ياعالم چبيرة طلابتي
الناس منتظرة وتريد تزفني عود
والعروس تگلي اصبر
خلني اجيب وياي بس لعّابتي
قلمي
الليالي بمرود الهجران لاحن
دليلي وشكثر بالظيم لاحن. لحّن
لا عندي صديج وياي لاحن
اخوي ولا وگف بالشدّة ليه
عليه معثرات البين شلهن
عوايم وعله صدري بليل شلهن
حرت مدري بجروحي شلون شلهن
اشل بهاذ داكه يندعليه
يعاني الگلب سكته مايعاني
عميت وطاح مني مايعاني
شدهه الصحبان منهم مايعاني
صاحب لو لگوا تقصير بيه
احمد البيضاني
رد مع اقتباس