أم الأرض آنه وصرت غريبه
أمسي ابمصيبه واصبح ابمصيبه
ليش انسطر وجهي وآنه الحبيبه
ليش انسطر وجهي وآنه الحبيبه
_________
طبع الكريم الينكرم شكره مضاعف ينرد
بس اللئيم وللأسف من ينكرم يتمرد
الستار الله من زمن بيه اللئيم اتسيد
واليطعم الذيب اشحسب لوماحسب عضة يد
ابهاي البشر حته العتب خساره
و الما يوقرنه انهتك وقاره
بعد الجرالي ما بُقت عجيبه
ليش انسطر وجهي وآنه الحبيبه
_________
شبسرعة هالوادم نست جُهد النبي وافضاله
والعايش ابذلة دهر رايد عليّ يتعاله
معروفة صحبتهم چذب من هجموا اعله اعياله
ماحملو السيف بحرب بس للحطب حماله
سلوا سيوف اعلينه مو لجلنه
أول مراجلهم قتل طفلنه
بعده النبي ماطول ابمغييه
ليش انسطر وجهي وآنه الحبيبه
_________
باب الحرگتو اعتقد واجبكم اتقدسونه
لازم تصيغونه ذهب مو لازم اتحرگونه
آنه ادري بالأعمه گلب ميفيده شوف اعيونه
والما ثبت بالمعركة قائدكم اتنصبونه
چان الوحي يستأذن ويجينه
وانتو هجمتو بالحطب علينه
هاي الحقيقة المؤلمه الرهيبه
ليش انسطر وجهي وآنه الحبيبه
_________
آني أمانة من النبي بس للأسف خنتوها
ما گال اعصرو فاطمة گال الكم اتوقروها
وردة ابوگت مابي ورد واجبكم اتحاموها
ماصرتوا في ولا نده غايتكم اتذبحوها
والعقروا الناقة غضب أجاهم
والقتلو الزهره شنو جزاهم
آني البتول من العرش قريبه
ليش انسطر وجهي وآنه الحبيبه
_________
چنتو شتات اعله الأرض بس والدي جمعكم
چنتو تعيشون ابحفر فوگ القمم وصلكم
حذركم ابقول وفعل لاتقربوا المو ألكم
تالي تگيدون الذي رد الكتايب عنكم
ليش القلع خيبر قلعتوا بابه ؟
عصبة ردكم ماردت عصابه
لكن مرضكم مايصح طبيبه
ليش انسطر وجهي وآنه الحبيبه
_________
كلمن يرد لاصله نعم وانتم أصلكم غابه
واحدكم ابوگت المحن كشر علينه انيابه
شفت الأبد مايستحي تركض وراها اذنابه
بعده الفقار بچف علي لازم حسبتو احسابه
والمنكسر وجهه كسر ضلوعي
ماكف أذيته ولا رحم دموعي
بابي ودليلي ماطفه لهيبه
ليش انسطر وجهي وآنه الحبيبه
_________
يالتدفع الباب استمع مو گتلك آنه الزهره
جاوبني هم عندي ذنب چان الجواب ابسطره
لمن سمع كسر الضلع لاصحابه زف البشره
ظل يدفع بإيد ومتن حد ماطحت ع الغبره
لمن طحت سبني و لا تردد
لازم هبل يرجع يبت محمد
فاطم منيتج اصبحت قريبه
ليش انسطر وجهي وآنه الحبيبه
________
حرمه ويتيمة ويا ذنب مني صدر فهموني
يابت نبي قبلي انولد وتشتمت حاچوني
يالما تريدولي الفرح ابچي و أون خلوني
يلي قتلتولي طفل نيتكم اتقتلوني
شافتني زينب وانحنت عليه
وآني شفتها ابلا خيم سبيه
آل النبي كلمن رضه ابنصيبه
ليش انسطر وجهي وآنه الحبيبه
_________
كلمات الشاعر - السيد عبدالخالق المحنة ، 1440
_________
تحميل القصيدة mp3
أم الأرض آنه وصرت غريبه
رد مع اقتباس
المشاركة الأصلية كتبت بواسطة قطر الندى محمد
