وعلي محد جراله مثل ماصاب
الجرالي وطرف جفن الغير ماصاب
الگهوچي بعمره اليه ثنين ماصاب
بكثر ماترعش بفرگاك إديه
شوكت . گلي الهظم عني يبارح
واسولف . للشته ظيمك . يبارح
هدر تعبي بصلب ظهري يبا راح
إو صرت گفاف ضربوا مثل بيه
شـياچن يا إعيـوني إبسـاع يرتيـن
دمـع؛ ومن إلبواچـي اشـعجب يرتين
جفـه وخــلاني أيـر النفـس يرتيـن
وگطـع نسـمة هـوا الله ألتمـر بيه
نار البية مايرهم طفه الها
عله ذيچ الكل دمع راچد طفه الها
وعلي لوما حرام اخطف طفلها
واضوگها بعرسها شصار بيه
أنه الايك فقط ليهم وراهم
أنه الكلما كضه همه ورا هم
أنه المن غربو يركض وراهم
أنه الضل ماله حاجه الضعن بيه
هجرك حيل خايب مرضاني
زعلت اوعكب حيل مرضاني
ترض صدري وتكلي مرضاني
والا جنك سحكت انته عليه
من اشوف الشمس كبل ينزال
الدمع،والضيم من اشتاك ينزال
عليش ادبج عله الصطح ينزال
خبث لوسودنك ربك عليك
عطش گلبي بغيابك مات ورده
وحته اخبار منك ماتورده
اذا غصني بربيعك مات ورده
بخريفك شنتظر غير المنيه
خلص كلبی علی الطیبین ونطر
وبذكرهم ما انام الیل ونطر
یریت الله نطاني اجناح ونطیر
ونشوف احبابنه ونگعد سويِّهِ
ادوخن من أظل وحدي بلاياك
مصايب كلبي ماتنحل بلاياك
شلي بدنياي ياروحي بلاياك
الموت أهون ولاغيابك عليه
رد مع اقتباس
المشاركة الأصلية كتبت بواسطة ʅɲ⎽ɹ̈̇ɹ̇Ĭ ɑ̈ᓆԼɹ̇Ĭ
