نبضات من قلب الحب
اتمنّه روحي تصير عثرة بدربها
تعثر وصيحن آخ ويحن گلبها
**********************
شكثر دلل هواكم ياهوانه
ويارخص المعاتب يا هوانه
نسيت بساع تنشد ياهو آنه
شجاك وضيعيت العرف بيه
************************
بعدتوا والبعد هاون يرن باي
وحس نهران من لوعة يرن باي
عليل وكل علل دهري يرن باي
اليباوعني يضيع العرف بيه
*************************
صب دمعي على الوجنات هل هل
وشامت من تورج علي هلهل
دمع يهمل
جمر ينزل
قهر يكتل
بعد ظالم ولايعدل
جرح ينزف
گلب يرجف
حزن يعزف
ألم فوگ الألم يردف
انشدك ياشريچ العگل هل هل
إلك نية وترد لوهاي هيه
************************
انا الغنيت لعيونك ورمشاك
عمه گلبي ويظل يمشي ورمشاك
يناهي علة البيَّه ورم شاك
وبعد هيهات طب يفيد بيه
****************************
روحي افزعت وتگول فارغ مچانه
تطلع تدور اعليه لو أطلع آنه
بقلمي احمد البيضاني
رد مع اقتباس
