هنا

[فقار الكرخي]

البي شاره اريد انخاه وذبح ذبيحه
يردلي ذاك الجان يلفي من اصيحه
للشاعر احمد العائشي

البي شاره اريد انخاه وتوسله هواي
بلكت يرجع الجان يتمشه وياي
للشاعر علي هادي الفتلاوي

وينك صدك مشتاك وكليبي الك هام
ع الوعد ومتانيك صار 12 عام
للشاعر احمد العائشي



من حقي اصرخ حيل ولطم على الهام
ياربي مو مليت صار 12 عام
للشاعر علي هادي الفتلاوي



بعد الندم شيفيد ونعض بالبهام
حتى الحسبنا زين غرنه الايام
للشاعر احمد العائشي



بعد الندم شيفيد ياولفي كلي
من كثر نوحي عليك ماكمت اصلي
للشاعر علي هادي الفتلاوي



من اكتب اني البيت تسكام اسوي
بطور ابو معيشي يصير حفنت ملح بي
للشاعر احمد العائشي

من كثر مامشتاك وبفركتك حاس
من اكتب اني البيت تتعجب الناس
للشاعر علي هادي الفتلاوي



مو حسره الك بالروح صدكني حسرات
جن حسرت ام وحيد ماخلف ومات
للشاعر احمد العائشي



موحسره الك بالروح نار ابدليلي
كل لحظه من فركاك تهدملي حيلي
للشاعر علي هادي الفتلاوي



الماعنده بالوكفات زينه ويفك باب
لومره ضكه العوز لاينخه الاحباب
للشاعر احمد العائشي



الماعنده وكفه وياي ماكله غلطان
بس كلبي اكله انساه حان الوكت حان
للشاعر علي هادي الفتلاوي

[سمراء من قوم عيسى]

روعه
عاشت ايدك