ملاحظة القصيدة
الاصلية محفوظة
حذفت الكثير منها هنا
لما تحملهُ من
كلمات سوقيه
وحاولت ان اكتبها
بهذه الصيغة
=======
يحنيين يابو سوالف دافيه
ونام كلنه بمكسرك وكت
الظهر وبفيّك انته العافية
ومن نشرب الجاي العصر
بكَلوب حلوه وصافية
وجناح ظلك ستر
حدره أظلن غافيه
ياثوب اليه أنته وستر
ومشي عله شوكك حافيه
أدعيلك بوكت الفجر
يكفيك ربي اهل الغدر
وترد علينه بعافيه
وراضين بخبيزة وتمر
والنعمة وايد وافيه
وماليه بالكَال وكَلت
ومن نفطهم ماردت
ولامره الهم هوست
ولاحراميه صرت
وفلوس عنهه أتنازلت
وقطعة أرض هم ماردت
يكفوني شرهم بس ردت
وطحينتي ابطنك عوافي
وبيك ابدا ماعلت
وتشوفني غبشه أغبشت
بسلاح حرمه تسلحت
ياويلي ياشوكي صحت
بوزار عربيه أركضت وتوزرت
بلكت أرده من الغدر
ولفي الخذوه وكت الفجر
بأسم الديانه والكفر
وردوني بجيله حقد
وجروني بنص العكَد
وبدون كل شيمه وخجل
ثوبي صعد حد الزند
ياستر بيتي لنهدم
من كَطعوا ولفي وصل
متأكده واحدهم نغل
ومن تفحصه بي عطل
الخير البيهم بغل
وعقولهم عقل الصخل
أولاد كَرطه بلاخجل
وستره ينباع بعلج
بالنهضه وبراس البصل
لازم يرد ليه الوكت
وبسنوني أعلجنك علج
يالصرت عه الحرمه بطل
الشاعر علي الناصر
رد مع اقتباس
