الماخذك مني سبع لكن غشيم
..
الماخذك مني سبع لكن غشيم
ماقره اعلى شفايفك بوساتي
احساسه ميت يعني حط ايده على اديك
وايده ماعثرت باثر لمساتي
عاين بوجهك ولاجنه يشوف
لهسه بخدودك اثر صفناتي
مشه وياك وماحسب خطواته زين
وماكدر يمسح اثر خطواتي
اني باذنك وشم دكيت الكلام
وضلن اباب اذنك احجاياتي
يعني عوفه شما حجه باذنك كلام
قبل لتسمعه تطب كلماتي
انا راسمهن رسم كل السنين
بورق جسمك وبحبر دمعاتي
يعني وين تروح تارك ذكرى بيك
وفنا بختك لو نكر وكفاتي
وباجر تقوم القيامه وذمه هاي
يحاسبك الله على ذن طعناتي
وحتى من تدخل جهنم والعذاب
النار ماتمسح اثر حضناتي
رد مع اقتباس
