هنا

[فقار الكرخي]

يل كاتب هلي وتكتب مكاتيب
هلك كلش نشامه وخوش يقرون

يبو تل الورد ماگدر ارثيك
ارثي شتاگلي ماترهم شلون

ياراعي القيامه التارسه الراس
قيامه اهل الشعر لازم يسون

المعيبر عبد جا ماعبر. بيك
الصوب اهلك وناسك واليعتبون

العراق يشيل نعشك موش الجفوف
گبلك يا جبل شالنه المتون

انه ادريبك فطن. تتفگد الناس
وتعرف ياهو ماجه ويل يشيعون

المانزلن ادموعه بيوم فرگاك
ندم ياكل جفوفه اباخ السنون

يبو الملحان. تبقه بنص الگلوب
وكل متعوب ابنك يابو خلدون

رثاء كاظم الگاطع گاتب عليك
وحته هل الكبور وياه يبجون

وسمع ردي ردي وطاحن ادموع
وگالولك. الجيته طايحه عيون




حسن كتاب

[نسمة المساء]

جميل انتقائك
شكرا لك

[احمد البيضاني]

راقي جداً...رحم الله الشاعر العملاق عريان السيد خلف..احسنت النشر ..

[سمراء من قوم عيسى]

عاشت ايدك

[sawsanmahmoud]

انتقاء جميل
شكرا فقار

[ملكةه]

حلوه كلش