هنا

[سمراء من قوم عيسى]

...ولا ندري ..

مات الصوت..
وجناح الفراشه ابلا كحلهه يموت..
ظلمه وليل ..
مخسوف الگمر ..
والحوت يبلع حوت ..
صنطه ولا همس ينگال ..
محشر والمنايه ابكل دقيقة تفوت .
وجنازة ورد .
والحادي منجل چان..
وعلى چتاف التشيعه ..
يهوس التابوت..
غلطنه وبين المستور ..
لا هدم السترنه ..
ولا بخت ..
لا توت ..
امحمله اعثوگنه..
وموسم حصاد الجاي..
وعلى دروب الرحيل يگودنه الزاتوت..
ولا ندري ..
ولا نعرف ..
يا حسره النذبهه..
ويا حزن مكبوت..
گضينه اعمارنه ..
نركض وره الاحلام ..
مثل لمح البصر ..
مر العمر بسكوت..
مرسوم التعب بوجوهنه امن الظيم..
عله صخرة قدرنه اسم الالم منحوت ..

عقيل النجار

[روجـيـنـا ♡]

الله يجنن

عشتِ

[احمد البيضاني]

احلى قصيدة من صديقي وعزيزي الشاعر ابو مسلم عقيل النجار
احسنت النشر سمراء..

[فقار الكرخي]

عاشت ايدج