لو تِشُب لو تطفي ضنّك
لو تسلهم عينك إعله اليوجعنّك
هيّه غربه ! ومدري ياناي اليدلّيك اعله ونّك
اوّين تلگاك السچچ ولغير وادم ياخذنّك
هلبت يشبگ غريب
وتنثلم وصلت مسى ويشربها جفنك !
وهلبت تعرفك مرايه وتوگف من الطاح منّك !
ليش فوگ احواجبك حط التعب
واستثگلت گطرة جبينك !
خايف ايطيح السمار وتنترس بالذلّه عينك ؟
لو تخاف من النشد چا ليش ناسك عايفينك !!
تدري من تخطف جنايز گالو انت ،
وتدري من يعيش شاعر كالو انت
وتدري من حدر الگمر صوتك عرفته
وتدري چم روج انبعت بس ما عطشته
ولا قريت الفاتحه ولا بابك انسد
مدري چم حافر على رموشك توسد
الگاع من لمّت كبرها تريدك بلا كاع تمتد
وسام سباهي
رد مع اقتباس
