بابي مفتوح بكثر مابيه حيل
لاتعيّرني بعسر آنه ابن ابوي
الشمس لو تچهبني اضل اچسيها اضل!
واطلع امن السالفه الما بيها خير
مثل ما يطلع امنگرابا النصل!
صيتي ضاوي وما غفيٰ بعتمة خشوع
ماله غيمه الفرع لو مابي اصل!
اليوجعني اهواي بس ماهن جروح
الحچي يوجعني اللي خالي منل ثگل!
امنرد أسيّر آخذ بمخباتي بير
وأحمي يوسف وببخت يعگوب اگل!
آنه حتي امنعريٰ هم عالخير افوق
الغيمه من تعريٰ تضل تهطل هطل!
لبّس اجدامك صلة ومربيه شوف
آنه ميّت عالوصل مو عالفصل!
البي ملامح ذيب حتماً خالا بير،،
آنه ما اگرص وضم راسي برمل!
بابي مفتوح بكثر مابيه حيل
ودوم احطن بي ملح ماحط قفل!
اوطبعي ناعم بس نعومة زاحفات،
الهل سبب يوم الصرت گمطوني صـل..!
هيثم مجيد
رد مع اقتباس
