گالو مات جیفارة
گالو مات جیفارة
گلت ارماد اهلنا یموت بس ماتنخمد ناره
النخل لو ینذبح سکتة السواجي اتطالب ابثاره
السلف لو هدمه البارود بعده ايريد خطاره
مقام اهلي لون هدمو حيطانه يظل اترابه بي شارة
الوطن ماهو ملك ينباع الوطن ناموس وارگاب اتفداله لون ینگطف بحجارة
لکن وسفة الوطن باگوا حرامیة ابظهر گیض الحمر وانباگ عتبارة
الحرامیة سطوا ما باگو الغرضان باگو گمگم الدیوان من کسرو السحارة
الحرامیة سطو باگو تقالید السلف غفلة وسلفنه فوگ کل هاي ونطاها افلوس النطارة
السلف مايدري حرمانه امن اهل بيته ، ولون يدري،؟ بعد مابي يگل للناس بت افلان عیارة
حرامي البيت موس ابحنجرة لا تگدر تذبة ولاتگدر تبلعة وتگبع ابعاره
الاسد مانعرف من ذیله الاسد سطرات چفه الشاعت اخباره
البُطل (الباطل) مهما علا هابط گصب ویرد علی اجذاره
الحگ لو وراه ارجال مايبگه يرد لهله، و هله احنا ونطلعه اسيوف بتارة
زلمنا ارجال لو نخوة ابظهر تموز تنخاها اتغديلك غيم مطاردة
زلمنا اتحز ظلام الليل بضواها وتذبحه وتهجم ادياره
هم اتموت؟ لا ماظن زلمنا اتموت! ويموت اليشيع مات جيفارة.
المرحوم
شيخ ابراهيم الديراوي
رد مع اقتباس
