احنه يبني العلمينه الناس تعشگ
يبني من تصهل مهرتك
نذكر ايام المضايف والضيوف
ويبني من تعرگ جفوفك
تمطر الدنيا فرح بين الجفوف
اتغنه بيك الما يغني وصله بيك الما يصلي
وشاف بيك الما يشوف
الدنيا يبني مسودنه اتبدل طبعها
بكيفها تفسر الطيوف
الشوگ بينه يعيش بالدم
ولو نشفنه الشوك ينزل للعضام وما يعوف
الشمس يبني تخاربت هيه وسماها
ولبدت لسد الكسوف
الغيره يبني الفاركتنه
وما لكينه حسين غيرك
يرخص الدم بالطفوف
خلها يبني منين ما تمشي السچچ
تتلاكه بينه
منين ما يعبر جدمهم يوصل النه
واحنه يبني الريح المدوخه الجزيره
لغير هاي الريح ما يركص رملنه
واحنه يبني العلمينه الناس تعشگ
من يعلمنه العشگ والعشگ منه
ضكنه كل الثمر ماصخ
يبني والطيب يعيش ابفيي نخلنه
كاظم خبط
رد مع اقتباس
