وحگ المولحت شيلتهـة عالـراح...
وطـــن من لـونك جـروحـي
المنـارة شطولها ومتلوح البروحي
وطـــن مـا ينحچــي ألبية
النجمـة التحترگ وطيح وي دمنـه عراقية
النخلة الدر صدرهـة عثوگ من جعنة عراقية
يالعمرك ظلع وكسور
بدرب خوفك اثر ناطور
نشك زيج النهــر ونطلع الغافين
ابيش اندفنة لمشيع بنعـش الطين...؟
مفضـوحين...
من مــاي الگصص يا وطـــن مفضوحين
سمار وجوهنـه ايصيـح عراقيـن
ضيعنـة عمرنـة ابين الولايـات
كشـف لــون النعـش واسم الوطن مامات...
مـن شفـت الرسالـة اعلـة الرصيف تموت
أعرِّفت باب الكهـف مـابي حمامات
وحچـة التابوت...
و مافرزن حچـي التابـوت
گال شـكثر مـاتو والشـرف ميمـوت
آثارية الرمـح تـابوت...!
اشيع ويـن راس المنـه يطلع صـوت
وحگ المولحت شيلتهـة عالـراح...
آثارية الوجع بس بينـة يرتاح
صغنـة دموعنـة لبـاب الگـبر مفتـاح
ويـمدري شبيك...؟
وطـــن خشنة الهلاهل بيك
وريـل الغربـوا كلما مشـة يبچيك
شما يفتر يفـر گلوب اهلنـا عليك
يمدري شبيك
بس ساعي النعـش
ساعي البريد انطاك
عمرة بسعـر هلهـولــة
وطـــن ...!
نـزلت عثـوگك ليـش...؟
المثلك ينحضن خـاطر يصعدولة
وطـــن بسك تبچيني
دكلهم الله خالق روحـة من طيني
مـو جفلت عصافير التخيط عشوشة بعينـي ...
بيك وضيعت لـونك
تفز گبورنة من تغمض عيـونـك
يمن (شبه لهم) بس مـا يشبهون
سافرنة ورانه نچفت طاست دم...!
روازينك ضواهن دم
سواجيك گصايب دم
كل هذا وتـريد احلـم...؟
الطـيف يموت من ينجـاب طاري الدم...!
دقـرة وجـوه ناسـك
يا تعـب مكتـوب....
احنه بخت گاعك
يرمونهـة بسجيل وينزل يا وطـــن حالوب
گاع مراية الله ودلتة السمرة
السنابل هلهن شگرة تزف شگرة
توضينة بمساحينة
وزفينة الشبچ عريس للنهران
وبخور امي خذه الطيش گام يفزز الگيعان
اثاريه الوطن غفيان...
صحـة وغنت مناجلنـة...!
(يعشك الگاع)
(عزيزة الگاع)
(يعشك الگاع دم يسري بشرايني)
سجاد التميمي
رد مع اقتباس
